സ്വര്‍ണ വില വീണ്ടും കുറഞ്ഞു; ഈ മാസത്തെ ഏറ്റവും താഴ്ന്ന വില

മൂന്നു ദിവസം ഉയര്‍ന്ന നിരക്കില്‍ തുടര്‍ന്ന സ്വര്‍ണവിലയില്‍ ഇന്നും നേരിയ കുറവ്. ഒരു പവന് ഇന്ന് 160 രൂപ കുറഞ്ഞു. ഇതോടെ ഇന്നലത്തെ 43,240 രൂപയില്‍ നിന്ന് ഈ മാസത്തെ ഏറ്റവും കുറഞ്ഞ വിലയായ 43,080 രൂപയിലെത്തി. ഇന്നലെയും ഇന്നുമായി 400 രൂപയുടെ കുറവാണ് ഉണ്ടായിരിക്കുന്നത്.

ഗ്രാമിന് ഇന്ന് 20 രൂപ കുറഞ്ഞ് 5,385 രൂപയായി. 18 കാരറ്റ് സ്വര്‍ണ വിലയില്‍ ഇന്നും നേരിയ കുറവുണ്ടായി. ഗ്രാമിന് ഇന്ന് 15 രൂപ കുറഞ്ഞ് 4,468 രൂപയാണ്.

വെള്ളിവില 

കേരളത്തില്‍ ഇന്നു വെള്ളിവില മാറിയില്ല. സാധാരണ വെള്ളിക്ക് ഗ്രാമിന് 77 രൂപയും ഹോള്‍മാര്‍ക്ക് വെള്ളിക്ക് 103 രൂപയുമാണുള്ളത്.