പുതിയ ഉയരങ്ങള്‍ താണ്ടി സെന്‍സെക്‌സ് : നിഫ്റ്റി 12874 പോയ്ന്റില്‍
ഇന്ത്യന്‍ ഓഹരി സൂചികകള്‍ വീണ്ടും പുതിയ ഉയരത്തില്‍. സെന്‍സെക്‌സ് 314.73 പോയ്ന്റ് ഉയര്‍ന്ന് 43952.73 ലും നിഫ്റ്റി 93.90 പൊയ്ന്റ് ഉയര്‍ന്ന് 12874.20 ലുമാണ് ക്ലോസ് ചെയതത്. തുടര്‍ച്ചയായ മൂന്നാം ദിവസമാണ് വിപണി നേട്ടം നിലനിര്‍ത്തുന്നത്.
മോഡേണയുടെ വാക്‌സിന്‍ 95 ശതമാനം ഫലപ്രാപ്തി കാണിക്കുന്നുവെന്ന വാര്‍ത്തകളും ശക്തമായ ആഗോള സൂചനകളുമാണ് വിപണിയെ നയിച്ചത്.
നിഫ്റ്റി ബാങ്ക്, മെറ്റല്‍ സൂചികകള്‍ രണ്ട് ശതമാനവും ഓട്ടോ ഒരു ശതമാനവും ഉയര്‍ന്നു.
അതേസമയം എനര്‍ജി, ഫാര്‍മ സെന്ററുകള്‍ ഇടിവ് രേഖപ്പെടുത്തി.
ബി എസ് ഇ മിഡ് ക്യാപ് ഓഹരി സൂചിക ഒരു ശതമാനവും സ്‌മോള്‍ ക്യാപ് സൂചിക 0.90 ശതമാനവും ഉയര്‍ന്നു. ബിഎസ്ഇയിലെ 1443 കമ്പനികളുടെ ഓഹരികള്‍ നേട്ടത്തിലും 1181 ഓഹരികള്‍ നഷ്ടത്തിലുമായിരുന്നു. 146 ഓഹരികള്‍ക്ക് മാറ്റമില്ല.
ടാറ്റ മോട്ടോഴ്‌സ്, ടാറ്റ സ്റ്റീല്‍, എച്ച് ഡി എഫ് സി ലൈഫ്, എസ് ബി ഐ, അദാനി സ്‌പോര്‍ട്‌സ് എന്നീ ഓഹരികളാണ് നേട്ടം ഉണ്ടാക്കിയവയില്‍ മുന്നില്‍.
ബിപിസിഎല്‍,ഹീറോ മോട്ടോകോര്‍പ്, എന്‍ടിപിസി, ഐഒസി, ഒഎന്‍ജിസി എന്നിവയാണ് നഷ്ടമുണ്ടാക്കിയ മുഖ്യ ഓഹരികള്‍.
കേരള കമ്പനി ഓഹരികളുടെ പ്രകടനം
ഒരു ഡസണിലധികം കേരള ഓഹരികള്‍ ഇന്ന് നഷ്ടം രേഖപ്പെടുത്തി. ബാങ്ക് ഓഹരികളില്‍ സിഎസ്ബി ബാങ്ക്, സൗത്ത് ഇന്ത്യന്‍ ബാങ്ക് എന്നിവയുടെ വിലയിടിഞ്ഞു. എന്‍ബിഎഫ്‌സികളില്‍ മുത്തൂറ്റ് ഫിനാന്‍സ് ഓഹരി വില മാത്രമാണ് താഴ്ച കാണിച്ചത്.
നേട്ടമുണ്ടാക്കിയ ഓഹരികള്‍: അപ്പോളോ ടയേഴ്‌സ്, ആസ്റ്റര്‍ ഡിഎം, ഏവിറ്റി, ധനലക്ഷ്മി ബാങ്ക്, ഫെഡറല്‍ ബാങ്ക്, ഇന്‍ഡി ക്യാപ്, കിറ്റെക്‌സ്, കെഎസ്ഇ, മണപ്പുറം, മുത്തൂറ്റ് ഫിന്‍, പാറ്റ്‌സ്പിന്‍, റബ്ഫില, വെര്‍ട്ടെക്‌സ് വണ്ടര്‍ലാ.