പേടിപ്പിക്കല്ലേ പൊന്നേ! തുടര്‍ച്ചയായ കയറ്റത്തില്‍ സ്വര്‍ണ വില

തുടര്‍ച്ചയായ കയറ്റത്തില്‍ സ്വര്‍ണം. മൂന്നാം ദിവസവും സ്വര്‍ണ വില ഉയര്‍ന്നു. ഇന്ന് 22 കാരറ്റ് സ്വര്‍ണം പവന് ഇന്ന് 120 രൂപ ഉയര്‍ന്ന് ഒരു പവന് 44,120 രൂപയായി. ഇന്നലെയും തിരുവോണ ദിനവും സ്വര്‍ണം കയറ്റത്തിലായിരുന്നു. കഴിഞ്ഞ നാല് ദിവസമായി 520 രൂപയാണ് പവന് കൂടിയത്. ഗ്രാമിന് ഇന്ന് 15 രൂപ വര്‍ധിച്ച് 5,515 രൂപയായി.

ഓഗസ്റ്റ് ഒന്നിനാണ് ഈ മാസത്തെ ഏറ്റവും ഉയര്‍ന്ന സ്വര്‍ണ വില രേഖപ്പെടുത്തിയത്. ഗ്രാമിന് 5,540 രൂപയും പവന് 44,320 രൂപയുമായിരുന്നു അത്. സ്വര്‍ണം ലോക വിപണിയില്‍ 1,944 ഡോളറിലാണ്. 

18 കാരറ്റ് സ്വര്‍ണ വില ഇന്ന് 10 രൂപ വര്‍ധിച്ച് ഗ്രാമിന് 4,568 രൂപയായി.

വെള്ളി വില

വെള്ളി വിലയില്‍ മാറ്റമില്ല. സാധാരണ വെള്ളിക്ക് 81 രൂപയും ഹോള്‍മാര്‍ക്ക്ഡ് വെള്ളിക്ക് 103 രൂപയുമാണ് ഇന്ന് വെള്ളി വില.