തുടര്‍ച്ചയായ കയറ്റത്തിന് ശേഷം സ്വര്‍ണ വില ഇന്ന് കുറഞ്ഞു

ആഗോള വിപണിയിലെ ചാഞ്ചാട്ടങ്ങള്‍ക്കൊപ്പം കേരളത്തില്‍ ഇന്ന്  സ്വര്‍ണ വില കുറഞ്ഞു. 22 കാരറ്റ് സ്വര്‍ണം (22 carat gold) ഒരു പവന് ഇന്ന് 280 രൂപ കുറഞ്ഞ് 44,080 രൂപയിലെത്തി. ഒരു ഗ്രാമിന് 35 രൂപ വർധിച്ച് 5,510 രൂപയായി. 18 കാരറ്റ് സ്വര്‍ണത്തിനും വില വര്‍ധിച്ചിട്ടുണ്ട്. ഒരു ഗ്രാം 18 കാരറ്റ് സ്വര്‍ണത്തിന് 25 രൂപ കുറഞ്ഞ് ഇന്ന് 4,558 രൂപയായി.

ജൂലൈയിൽ  സ്വര്‍ണ വിലയില്‍ വന്‍ ചാഞ്ചാട്ടമാണുണ്ടായത്. മാസത്തിന്റെ തുടക്കത്തില്‍ പവന്‍ വില 43,240 രൂപ വരെ ഇടിഞ്ഞെങ്കിലും പിന്നീട് 44,560 രൂപ വരെ ഉയര്‍ന്നു. ഗ്രാം വില 5,570 രൂപ വരെയും ഉയര്‍ന്നിരുന്നു. എന്നാല്‍ ഈ വാരം ആദ്യം 44,000 രൂപ വരെ എത്തിയിരുന്നു. പിന്നീട് 44,360 രൂപ വരെ ഉയര്‍ന്നിട്ടാണ് ഇന്ന് താഴ്ന്നത്.

റെക്കോഡ് ഇതുവരെ

കേരളത്തില്‍ ഇതുവരെയുള്ള റെക്കോഡ് സ്വര്‍ണ വില പവന് 45,760 രൂപയെന്ന മേയ് അഞ്ചിലെ വിലയാണ്. അന്ന് ഗ്രാമിന് 5,720 രൂപയായിരുന്നു.

Read Now: വിദേശത്തു നിന്ന് എത്ര പവന്‍ സ്വര്‍ണം നാട്ടിലേക്ക് കൊണ്ടുവരാന്‍ കഴിയും?

ആഗോള വിപണി

ആഗോള വിപണിയില്‍ സ്വര്‍ണം ഇന്നലെ 1,978 ഡോളറില്‍ ആയിരുന്നു ഉണ്ടായിരുന്നത്. ഇത് ഇന്ന് 1,952 ഡോളറായി ഇടിഞ്ഞു. ഇതാണ് ആഭ്യന്തര വിപണികളിലും പ്രതിഫലിച്ചത്.

വെള്ളി വില കുറഞ്ഞു

വെള്ളി വില കുറഞ്ഞു. സാധാരണ വെള്ളി വില ഇന്ന് രണ്ടു രൂപ കുറഞ്ഞ് 79 രൂപയായി. ഹോള്‍മാര്‍ക്ക്ഡ് വെള്ളി വിലയില്‍ മാറ്റമില്ല, ഗ്രാമിന് 103 രൂപ.