മൊമന്റം സൂചകങ്ങള്‍ നെഗറ്റീവ്, ഘടകങ്ങള്‍ കരടികള്‍ക്ക് അനുകൂലം; നിഫ്റ്റിക്ക് ഇന്‍ട്രാഡേ പിന്തുണ 25,000

നിഫ്റ്റി 235.50 പോയിൻ്റ് (0.93%) ഇടിഞ്ഞ് 25014.60 ൽ ക്ലോസ് ചെയ്തു. ഇൻട്രാഡേ സപ്പോർട്ട് ആയ 25,000-ന് താഴെ സൂചിക നീങ്ങിയാൽ താഴേയ്ക്കുള്ള പക്ഷപാതം തുടരും.

നിഫ്റ്റി താഴ്ന്ന് 25181.90 ൽ വ്യാപാരം ആരംഭിച്ചു. കൂടുതൽ താഴുന്നതിന് മുമ്പ് 25,485.10 ൽ ഇൻട്രാഡേ ഉയരം പരീക്ഷിച്ചു. ഈ മുന്നേറ്റം തുടരുന്നതിൽ പരാജയപ്പെട്ടു സൂചിക കുത്തനെ ഇടിഞ്ഞ് 24,966.80 വരെ താഴ്ന്നു. 25,014.60 ൽ ക്ലോസ് ചെയ്തു.

പൊതുമേഖലാ ബാങ്കും ഐടിയും ഒഴികെയുള്ള എല്ലാ മേഖലകളും നഷ്ടത്തിൽ അവസാനിച്ചു. മീഡിയ, എഫ്എംസിജി, റിയൽറ്റി, ഓട്ടോ എന്നിവയാണ് കൂടുതൽ നഷ്ടം നേരിട്ടത്. 837 ഓഹരികൾ ഉയരുകയും 1833 ഓഹരികൾ ഇടിയുകയും 68 എണ്ണം മാറ്റമില്ലാതെ തുടരുകയും ചെയ്തു. വിശാലവിപണി നെഗറ്റീവ് ആയിരുന്നു.

നിഫ്റ്റിക്ക് കീഴിൽ ഏറ്റവും കൂടുതൽ നേട്ടമുണ്ടാക്കിയത് ഇൻഫോസിസ്, ഒഎൻജിസി, എച്ച്ഡിഎഫ്സി ലൈഫ്, ടെക് മഹീന്ദ്ര എന്നിവയാണ്. ഏറ്റവും കൂടുതൽ നഷ്ടം നേരിട്ടത് മഹീന്ദ്ര ആൻഡ് മഹീന്ദ്ര, ബജാജ് ഫിനാൻസ്, നെസ്‌ലെ, ഹീറോ മോട്ടോ കോർപ്  എന്നിവയാണ്.

മൊമെൻ്റം സൂചകങ്ങൾ നെഗറ്റീവ് പ്രവണത കാണിക്കുന്നു. നിഫ്റ്റി ഹ്രസ്വകാല മൂവിംഗ് ശരാശരിക്ക് താഴെയാണ്. സൂചിക പ്രതിദിന ചാർട്ടിൽ ബ്ലായ്ക്ക് കാൻഡിൽസ്റ്റിക്ക് രൂപപ്പെടുത്തി മുൻ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ ഘടകങ്ങളെല്ലാം സൂചിപ്പിക്കുന്നത് ആക്കം കരടികൾക്ക് അനുകൂലമായി തുടരുന്നു എന്നാണ്.

സൂചികയ്ക്ക് 25,000 ലെവലിൽ ഇൻട്രാഡേ പിന്തുണയുണ്ട്. സൂചിക ഈ നിലവാരത്തിന് താഴെ നീങ്ങിയാൽ നെഗറ്റീവ് പ്രവണത ഇന്നും തുടരാം. 25,125 ലെവലിലാണ് ഇൻട്രാഡേ പ്രതിരോധം. ഒരു പുൾബാക്ക് റാലിക്ക്, സൂചിക ഈ നില മറികടക്കേണ്ടതുണ്ട്.

ഇൻട്രാഡേ ലെവലുകൾ:

പിന്തുണ 25,000 -24,850 -24,700

പ്രതിരോധം 25,125 -25,300 -25,470

(15-മിനിറ്റ് ചാർട്ടുകൾ).

പൊസിഷണൽ ട്രേഡിംഗ്:

പിന്തുണ 24,800 -24,100

പ്രതിരോധം 25,500 -26,275.

ബാങ്ക് നിഫ്റ്റി

ബാങ്ക് നിഫ്റ്റി 383.15 പോയിൻ്റ് നഷ്ടത്തിൽ 51,462.05 ൽ ക്ലോസ് ചെയ്തു. മൊമെൻ്റം സൂചകങ്ങൾ നെഗറ്റീവ് പ്രവണത കാണിക്കുന്നു, സൂചിക ഹ്രസ്വകാല മൂവിംഗ് ശരാശരിക്ക് താഴെയാണ്. സൂചിക പ്രതിദിന ചാർട്ടിൽ ബ്ലായ്ക്ക് കാൻഡിൽ സ്റ്റിക്ക് രൂപപ്പെടുത്തി മുൻ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഈ പാറ്റേൺ താഴേക്കുള്ള പക്ഷപാതത്തിൻ്റെ തുടർച്ച സൂചിപ്പിക്കുന്നു.

സൂചികയ്ക്ക് 51,400 ൽ ഇൻട്രാഡേ പിന്തുണയുണ്ട്. പ്രതിരോധം 51,750 ലാണ്. സൂചിക 51,400 ലെ ഇൻട്രാഡേ സപ്പോർട്ടിനു താഴെ നീങ്ങിയാൽ, ഇന്ന് കൂടുതൽ തിരിച്ചടി പ്രതീക്ഷിക്കാം. സൂചിക 51,750 എന്ന പ്രതിരോധത്തിന് മുകളിൽ ട്രേഡ് ചെയ്തു നിലനിർത്തുകയും ചെയ്താൽ ഒരു പുൾബാക്ക് റാലി പ്രതീക്ഷിക്കാം.

ഇൻട്രാഡേ ട്രേഡേഴ്സിന്

സപ്പോർട്ട് 51,400 -51,150 -50,850

പ്രതിരോധം 51,750 -52,000 -52,350

(15 മിനിറ്റ് ചാർട്ടുകൾ).

പൊസിഷനൽ വ്യാപാരികൾക്കു പിന്തുണ 50,500 -49,600

പ്രതിരോധം 51,750 -52,800.