ഓഹരി സൂചികകളില്‍ നേരിയ നേട്ടം മാത്രം; നിരാശപ്പെടുത്തി ഐ.ടി കമ്പനികള്‍
സെന്‍സെക്‌സ് 38 പോയിന്റ് മാത്രം നേട്ടത്തില്‍, ഫാക്ടിന്റെ ഓഹരിവില 12.5% മുന്നേറി
വ്യാപാരത്തിന്റെ ഭൂരിഭാഗം സമയവും ഇന്ന് കനത്ത നഷ്ടത്തിലായിരുന്ന ഇന്ത്യന്‍ ഓഹരി സൂചികകള്‍ വൈകിട്ടോടെ നഷ്ടം നികത്തി നേരിയ നേട്ടത്തിലെത്തി. ഒരുവേള 350 പോയിന്റോളം ഇടിഞ്ഞ സെന്‍സെക്‌സ് വ്യാപാരാന്ത്യം 38.23 പോയിന്റ് നേട്ടവുമായി 60,431ലാണുള്ളത്. 15.60 പോയിന്റുയര്‍ന്ന് നിഫ്റ്റി 17,828ലും വ്യാപാരം അവസാനിപ്പിച്ചു. അതേസമയം, തുടര്‍ച്ചയായ 9-ാം ദിവസമാണ് ഓഹരി സൂചികകള്‍ നേട്ടത്തോടെ വ്യാപാരം പൂര്‍ത്തിയാക്കിയത്.
ഒന്നുമുതല്‍ മൂന്ന് ശതമാനം വരെ നേട്ടവുമായി ഇന്‍ഡസ് ഇന്‍ഡ് ബാങ്ക്, പവര്‍ഗ്രിഡ് കോര്‍പ്പറേഷന്‍, ആക്‌സിസ് ബാങ്ക്, കോട്ടക് ബാങ്ക്, ബജാജ് ഫിന്‍സെര്‍വ്, എസ്.ബി.ഐ., ഏഷ്യന്‍ പെയിന്റ്‌സ്, ഐ.സി.ഐ.സി.ഐ ബാങ്ക്, ബജാജ് ഫിനാന്‍സ് എന്നിവയാണ് ഇന്ന് സെന്‍സെക്‌സിന്റെ കരകയറ്റത്തിന് സഹായിച്ചത്. ഐ.ടി കമ്പനികളായ ടി.സി.എസ്., ഇന്‍ഫോസിസ്, ടെക് മഹീന്ദ്ര, എച്ച്.സി.എല്‍ ടെക് എന്നിവയും എന്‍.ടി.പി.സിയും നഷ്ടത്തിലേക്ക് വീണു. നിരാശാജനകമായ മാര്‍ച്ച്പാദ പ്രവര്‍ത്തനഫലങ്ങളാണ് ഐ.ടി കമ്പനികളുടെ ഓഹരികള്‍ക്ക് തിരിച്ചടിയാകുന്നത്.
ഐ.ഡി.ബി.ഐ ബാങ്കിന്റെ ഓഹരിവില 12 ശതമാനത്തോളം മുന്നേറി. ബാങ്കിന്റെ ഓഹരി വില്‍പന നടപടികളിലേക്ക് പ്രമോട്ടര്‍മാരായ എല്‍.ഐ.സിയും കേന്ദ്രസര്‍ക്കാരും കടന്നിരുന്നു. ഇതിന്റെ തുടര്‍നടപടികള്‍ക്ക് റിസര്‍വ് ബാങ്ക് കടന്നതാണ് ബാങ്കിന്റെ ഓഹരികള്‍ക്ക് നേട്ടമായത്.
മാന്ദ്യഭീതി വീണ്ടും