നിഫ്റ്റി സമാഹരണത്തിന്റെ സാധ്യത സൂചിപ്പിക്കുന്നു; പുള്‍ബാക്ക് റാലിക്ക് 22,370 മറികടക്കണം

നിഫ്റ്റി മാറ്റമില്ലാതെ 22,302.50ൽ ക്ലോസ് ചെയ്തു. ഹ്രസ്വകാല സപ്പോർട്ട് ലെവൽ 22,250ന് താഴെ നിഫ്റ്റി നിലനിന്നാൽ താഴേക്കുള്ള പക്ഷപാതം തുടരും.

നിഫ്റ്റി താഴ്ന്ന് 22,231.20ൽ വ്യാപാരം തുടങ്ങി. രാവിലെ 22,185.20ലെ താഴ്ന്ന നിലവാരത്തിലെത്തി. സൂചിക ക്രമേണ ഉയർന്ന് 22,302.50ൽ ക്ലോസ് ചെയ്യുന്നതിന് മുമ്പ് 22,368.70ൽ എത്തി.

ഓട്ടോ, മെറ്റൽ, പൊതുമേഖലാ ബാങ്കുകൾ, മാധ്യമങ്ങൾ എന്നിവയാണ് കൂടുതൽ നേട്ടമുണ്ടാക്കിയ മേഖലകൾ, ബാങ്കുകൾ, ധനകാര്യ സേവനങ്ങൾ, ഐടി എന്നിവയാണ് കൂടുതൽ നഷ്ടം നേരിട്ടത്. 1,382 ഓഹരികൾ ഉയർന്നു, 1,099 ഓഹരികൾ ഇടിഞ്ഞു, 122 എണ്ണം മാറ്റമില്ലാതെ തുടർന്നു.

നിഫ്റ്റി 50യിൽ ഹീറോ മോട്ടോക്കോ, ബി.പി.സി.എൽ, ടാറ്റാ മോട്ടോഴ്‌സ്, പവർഗ്രിഡ് എന്നിവ ഏറ്റവും ഉയർന്ന നേട്ടമുണ്ടാക്കിയപ്പോൾ ഡോ. റെഡ്ഡീസ്, ഏഷ്യൻ പെയിന്റ്സ്, ഗ്രാസിം, അൾട്രാടെക് എന്നിവയ്ക്കാണ് കൂടുതൽ നഷ്ടം.

നിഫ്റ്റി ഹ്രസ്വകാല മൂവിംഗ് ശരാശരിക്ക് താഴെയാണ്. മൊമെൻ്റം സൂചകങ്ങൾ നെഗറ്റീവ് പ്രവണത കാണിക്കുന്നു. എങ്കിലും സൂചിക ഡെയ്‌ലി ചാർട്ടിൽ ചെറിയ വെെറ്റ് കാൻഡിൽ രൂപപ്പെടുത്തി മുൻ ദിവസത്തെ ലെവലിൽ ക്ലോസ് ചെയ്തു. ഈ പാറ്റേൺ ഒരു സമാഹരണത്തിൻ്റെ സാധ്യത സൂചിപ്പിക്കുന്നു. നിഫ്റ്റിക്ക് 22,250 ലെവലിൽ ഹ്രസ്വകാല പിന്തുണയുണ്ട്. സൂചിക ഈ നിലവാരത്തിന് താഴെ ക്ലോസ് ചെയ്താൽ വരും ദിവസങ്ങളിലും ഇടിവ് തുടരാം. ഇൻട്രാഡേ പ്രതിരോധം 22,370 ലെവലിലാണ്. ഒരു പുൾബാക്ക് റാലിക്ക്, സൂചിക ഈ നില മറികടക്കേണ്ടതുണ്ട്.

ഇൻട്രാഡേ ലെവലുകൾ:

പിന്തുണ 22,240 -22,150 -22,050

പ്രതിരോധം 22,370 -22,500 -22,600

(15-മിനിറ്റ് ചാർട്ടുകൾ)

പൊസിഷണൽ ട്രേഡിംഗ്:

ഹ്രസ്വകാല പിന്തുണ 22,250 -21,700

പ്രതിരോധം 22,800 -23,250.

ബാങ്ക് നിഫ്റ്റി

ബാങ്ക് നിഫ്റ്റി 264.25 പോയിൻ്റ് നഷ്ടത്തിൽ 48,021.10ൽ ക്ലോസ് ചെയ്തു. മൊമെൻ്റം സൂചകങ്ങൾ നെഗറ്റീവ് പ്രവണത കാണിക്കുന്നു, സൂചിക ഹ്രസ്വകാല മൂവിംഗ് ശരാശരിക്ക് താഴെയാണ്. , സൂചിക പ്രതിദിന ചാർട്ടിൽ ഒരു ബ്ലായ്ക്ക് കാൻഡിൽ രൂപപ്പെടുത്തി മുൻ ദിവസത്തെ ക്ലോസിംഗിനു താഴെ ക്ലോസ് ചെയ്തു. ഇടിവ് തുടരാനുള്ള സാധ്യതയാണ് ഇതെല്ലാം സൂചിപ്പിക്കുന്നത്.

സൂചികയ്ക്ക് 47,750ൽ ഹ്രസ്വകാല പിന്തുണയുണ്ട്. സൂചിക ഈ നിലവാരത്തിന് താഴെ ക്ലോസ് ചെയ്താൽ വരും ദിവസങ്ങളിലും ഇടിവ് തുടരാം. ഏറ്റവും അടുത്തുള്ള ഇൻട്രാഡേ പ്രതിരോധം 48,200 ലെവലിലാണ്, ഒരു പുൾബാക്ക് റാലിക്ക് സൂചിക ഈ നില മറികടക്കേണ്ടതുണ്ട്.

ഇൻട്രാഡേ സപ്പോർട്ട് ലെവലുകൾ 47,900 -47,650 -47,400

പ്രതിരോധ നിലകൾ 48,200 -48,450 -48,730

(15-മിനിറ്റ് ചാർട്ടുകൾ)

പൊസിഷനൽ ട്രേഡർമാർക്ക് ഹ്രസ്വകാല സപ്പോർട്ട് 47,750 -46,650

പ്രതിരോധം 48,500 -49,500.