സാങ്കേതിക വിശകലനം: നിഫ്റ്റി പോസിറ്റീവ് മുന്നേറ്റം തുടരാം, ഇങ്ങനെയെങ്കിൽ

(ഡിസംബർ 13ലെ മാർക്കറ്റ് ക്ലോസിംഗി നെ അടിസ്ഥാനമാക്കി)

നിഫ്റ്റി 18,608.00-ൽ ക്ലോസ് ചെയ്തു. 18,600ന് മുകളിൽ ട്രേഡ് ചെയ്തു നിലനിന്നാൽ പോസിറ്റീവ് മുന്നേറ്റം തുടരാം.

നിഫ്റ്റി നല്ല നേട്ടത്തോടെ 18608.00 ൽ ക്ലോസ് ചെയ്തു. നിഫ്റ്റി വ്യാപാരം തുടങ്ങിയതു 18524.40-ൽ ഉയർന്ന നിലയിലാണ്. ഈ ട്രെൻഡ് സെഷനിലുടനീളം തുടർന്നു. .18617.30 എന്ന ദിവസത്തെ ഉയർന്ന നിലവാരം പരീക്ഷിക്കുകയും ചെയ്തു. ബാങ്കുകൾ, ഐടി, ഫിനാൻഷ്യൽ സർവീസ്, ഓട്ടോ എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്. 1129 ഓഹരികൾ ഉയർന്നു, 997 എണ്ണം ഇടിഞ്ഞു, 202 എണ്ണം മാറ്റമില്ലാതെ തുടർന്നു,

മൊമെന്റം സൂചകങ്ങൾ നെഗറ്റീവ് പ്രവണതയെ സൂചിപ്പിക്കുന്നു. എന്നാൽ സൂചിക ഹ്രസ്വകാല, ദീർഘകാല മൂവിംഗ് ശരാശരിക്ക് മുകളിലാണ്. സൂചിക പ്രതിദിന ചാർട്ടിൽ ഒരു വെളുത്ത മെഴുകുതിരി രൂപപ്പെടുത്തി ദിവസത്തിന്റെ ഉയർന്ന നിലവാരത്തിനടുത്തായി ക്ലോസ് ചെയ്തു. സൂചിക 18,600 ലെവലിന് മുകളിൽ നിലനിന്നാൽ, പോസിറ്റീവ് ട്രെൻഡ് വരും ദിവസങ്ങളിലും തുടരാം.

പിന്തുണ - പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ 18,600-18,550-18,500

റെസിസ്റ്റൻസ് ലെവലുകൾ 18,650-18 18,700 -18,750 (15 മിനിറ്റ് ചാർട്ടുകൾ)

യുഎസ്, യൂറോപ്യൻ വിപണികൾ നേട്ടത്തിൽ ക്ലോസ് ചെയ്തു. ഇന്ന് രാവിലെ ഏഷ്യൻ വിപണികൾ ഉയർന്നാണ് വ്യാപാരം നടത്തുന്നത്. എസ്‌ജിഎക്‌സ് നിഫ്റ്റി 18,796 ലെവലിലാണ് വ്യാപാരം . , ഇത് മുൻ ക്ലോസിംഗിനേക്കാൾ ഉയർന്നതാണ്. നിഫ്റ്റി ഇന്ന് നേട്ടത്തേ ടെ വ്യാപാരം തുടങ്ങാം..

വിദേശ നിക്ഷേപകർ 619.92 കോടിയുടെ ഓഹരികൾ വാങ്ങി. സ്വദേശി സ്ഥാപനങ്ങൾ 36.75 കോടിയും വാങ്ങി.

ബാങ്ക് നിഫ്റ്റി

ഹ്രസ്വകാല പ്രവണത : പോസിറ്റീവ് ചായ്‌വ് 

ബാങ്ക് നിഫ്റ്റി 237.80 പോയിന്റ് ഉയർന്ന് 43,946.55 എന്ന റെക്കോർഡ് ഉയരത്തിലാണ് ക്ലോസ് ചെയ്തത്. മൊമെന്റം സൂചകങ്ങൾ പോസിറ്റീവ് പ്രവണത സൂചിപ്പിക്കുന്നു, സൂചിക പ്രതിദിന ചാർട്ടിൽ വെളുത്ത മെഴുകുതിരി രൂപപ്പെടുത്തി റെക്കോർഡ് നിലയിൽ ക്ലോസ് ചെയ്തു. ഉയർച്ചയുടെ സാധ്യതയാണ് സൂചിപ്പിക്കുന്നത്. ഉയരുമ്പോൾ സൂചികയ്ക്ക് 44,000 ൽ പ്രതിരോധമുണ്ട്. സൂചിക 44,000 ന് മുകളിൽ ക്ലോസ് ചെയ്യുകയാണെങ്കിൽ, വരും ദിവസങ്ങളിലും പോസിറ്റീവ് ആക്കം തുടരാം.

ഇൻട്രാഡേ സപ്പോർട്ട് ലെവലുകൾ -43,800-43,600-43,400

റെസിസ്റ്റൻസ് ലെവലുകൾ -44,000-44,200 -441400 (15 മിനിറ്റ് ചാർട്ടുകൾ)