നിഫ്റ്റിക്ക് മുന്നോട്ട് ശക്തമായ പ്രതിരോധം; കണ്‍സോളിഡേഷന് സാധ്യത

നിഫ്റ്റി 127.20 പോയിന്റ് (0.59 ശതമാനം) ഉയര്‍ന്ന് 21,743.25ലാണ് ക്ലോസ് ചെയ്തത്. നിഫ്റ്റിക്ക് 21750-21800 ഏരിയയില്‍ ശക്തമായ പ്രതിരോധമുണ്ട്.

നിഫ്റ്റി ഉയര്‍ന്ന് 21,664.30ല്‍ വ്യാപാരം ആരംഭിച്ചു. രാവിലെ വ്യാപാരത്തില്‍ 21,543.30 എന്ന താഴ്ന്ന നിലവാരത്തിലെത്തി. സൂചിക ക്രമേണ ഉയര്‍ന്ന് 21,766.80 എന്ന ഇന്‍ട്രാഡേ ഹൈ പരീക്ഷിച്ചു. 21,743.25ല്‍ ക്ലോസ് ചെയ്തു.

മെറ്റലും മീഡിയയും ഒഴികെ എല്ലാ മേഖലകളും നല്ല നേട്ടത്തില്‍ അവസാനിച്ചു. ബാങ്കുകള്‍, ധനകാര്യ സേവനങ്ങള്‍, ഐ.ടി, ഫാര്‍മ എന്നിവയാണ് ഏറ്റവും കൂടുതല്‍ നേട്ടമുണ്ടാക്കിയ മേഖലകള്‍. 1,083 ഓഹരികള്‍ ഉയര്‍ന്നു, 1,366 ഓഹരികള്‍ ഇടിഞ്ഞു, 80 എണ്ണം മാറ്റമില്ലാതെ തുടര്‍ന്നു.

നിഫ്റ്റിക്ക് കീഴില്‍ കോള്‍ ഇന്ത്യ, യു.പി.എല്‍, ഐ.സി.ഐ.സി.ഐ ബാങ്ക്, ആക്‌സിസ് ബാങ്ക് എന്നിവ കൂടുതല്‍ നേട്ടമുണ്ടാക്കി. ഹിന്‍ഡാല്‍കോ, ഗ്രാസിം, അള്‍ട്രാടെക് സിമന്റ്, ഡിവിസ് ലാബ് എന്നിവയ്ക്കാണു കൂടുതല്‍ നഷ്ടം.

നിഫ്റ്റി ഹ്രസ്വകാല മൂവിംഗ് ശരാശരിക്ക് താഴെയാണ്. മൊമെന്റം സൂചകങ്ങള്‍ നെഗറ്റീവ് പ്രവണത കാണിക്കുന്നു. എങ്കിലും സൂചിക പ്രതിദിന ചാര്‍ട്ടില്‍ വൈറ്റ് കാന്‍ഡില്‍ രൂപപ്പെടുത്തി മുമ്പത്തെ ബ്ലായ്ക്ക് കാന്‍ഡിലിന്റെ ഉള്ളില്‍ അടച്ചു. ഈ പാറ്റേണ്‍ സമാഹരണത്തിന്റെ സാധ്യത സൂചിപ്പിക്കുന്നു.

സൂചികയ്ക്ക് 21,750-21,800 ഏരിയയില്‍ കടുത്ത പ്രതിരോധമുണ്ട്, അതേസമയം പിന്തുണ 21,500 ആണ്. കുറച്ച് ദിവസത്തേക്ക് സൂചിക 21500-21800 ട്രേഡിംഗ് ബാന്‍ഡിനുള്ളില്‍ സമാഹരിക്കപ്പെട്ടേക്കാം. ഈ ഏതെങ്കിലും ലെവലില്‍ നിന്നുള്ള ബ്രേക്ക്ഔട്ട് സൂചികയുടെ അടുത്ത ദിശ നിര്‍ണ്ണയിക്കും.

ഇന്‍ട്രാഡേ സപ്പോര്‍ട്ട് ലെവലുകള്‍ 21,685-21,625-21,550

റെസിസ്റ്റന്‍സ് ലെവലുകള്‍ 21,765-21,830-21,900

(15 മിനിറ്റ് ചാര്‍ട്ടുകള്‍)

പൊസിഷനല്‍ ട്രേഡേഴ്‌സിന് ഹ്രസ്വകാല സപ്പോര്‍ട്ട് 21,500-21,000

പ്രതിരോധം 22,125-22,500.

ബാങ്ക് നിഫ്റ്റി

ബാങ്ക് നിഫ്റ്റി 620.15 പോയിന്റ് നേട്ടത്തില്‍ 45,502.40ലാണ് ക്ലോസ് ചെയ്തത്. മൊമെന്റം സൂചകങ്ങള്‍ നെഗറ്റീവ് പ്രവണത കാണിക്കുന്നു. നിഫ്റ്റി ഹ്രസ്വകാല മൂവിംഗ് ശരാശരിക്ക് മുകളില്‍ ക്ലോസ് ചെയ്തു. മാത്രമല്ല, സൂചിക പ്രതിദിന ചാര്‍ട്ടില്‍ വൈറ്റ് കാന്‍ഡില്‍ രൂപപ്പെടുത്തി മുന്‍ ദിവസത്തെ ക്ലോസിനു മുകളില്‍ ക്ലോസ് ചെയ്തു. 45,600 ലെവലിലാണ് ഏറ്റവും അടുത്ത ഹ്രസ്വകാല പ്രതിരോധം. ഒരു ബുള്ളിഷ് ട്രെന്‍ഡിന്, സൂചിക ഈ നിലയ്ക്ക് മുകളില്‍ ക്ലോസ് ചെയ്യേണ്ടതുണ്ട്. സൂചിക ഈ നിലയ്ക്ക് താഴെ തുടരുകയാണെങ്കില്‍, സമാഹരണം കുറച്ച് ദിവസത്തേക്ക് കൂടി തുടരാം. ഏറ്റവും അടുത്തുള്ള സപ്പോര്‍ട്ട് 44,450 ആയി തുടരുന്നു.

ഇന്‍ട്രാഡേ സപ്പോര്‍ട്ട് ലെവലുകള്‍ 45,275-45,000-44,730

പ്രതിരോധ നിലകള്‍ 45,550-45,800-46,000

(15 മിനിറ്റ് ചാര്‍ട്ടുകള്‍)

പൊസിഷനല്‍ വ്യാപാരികള്‍ക്കു ഹ്രസ്വകാല സപ്പോര്‍ട്ട് 44,450-43,500

പ്രതിരോധം 45,600-46,600.