ഓഹരി വിപണി ആവേശത്തിൽ; രൂപയും കയറി

ഇന്നു രാവിലെ ആവേശത്തോടു കൂടിയാണു വിപണി പ്രവർത്തനമാരംഭിച്ചത്. വ്യാഴാഴ്ചത്തെ തകർച്ച ഒരു അപവാദമായി നിർത്തണം എന്ന വാശിയോടെ വിപണി സജീവമായി.എണ്ണൂറോളം പോയിന്റ് ഉയർന്നു വ്യാപാരം തുടങ്ങിയ സെൻസെക്സ് പിന്നീട് നേട്ടം കൂടുതൽ ഉയർത്തി. അരമണിക്കൂറിനകം സെൻസെക്സ് 1300 പോയിന്റ് ഉയർന്നു. നിഫ്റ്റി 400 പോയിന്റ് കയറി. എല്ലാ വ്യവസായ മേഖലകളും കയറ്റത്തിലാണ്. മിഡ്ക്യാപ് സൂചിക നാലു ശതമാനത്തിലേറെ ഉയർന്നു. സ്മോൾ ക്യാപ് സൂചിക 5% നേട്ടമുണ്ടാക്കി. മെറ്റൽ പൊതുമേഖലാ ബാങ്ക് ഓഹരികളാണ് ഇന്ന് വലിയ നേട്ടം ഉണ്ടാക്കിയത്.