ഇരുമ്പയിര് വില്‍പ്പന വര്‍ധിക്കും, ഈ പൊതുമേഖല ഓഹരി 25 ശതമാനം വരെ ഉയരാം
നവംബറില്‍ ഇരുമ്പയിര് വില ടണ്ണിന് 600 മുതല്‍ 1300 വരെ ഉയര്‍ത്തി, വില്‍പ്പന ലക്ഷ്യം 50 ദശലക്ഷം ടണ്‍
ഇന്ത്യയിലെ ഏറ്റവും വലിയ ഇരുമ്പയിര് ഉല്‍പ്പാദകരാണ് പൊതുമേഖല കമ്പനിയായ എന്‍എംഡിസി (NMDC Ltd). നാല് ഇരുമ്പയിര് ഖനികള്‍ സ്വന്തമായിട്ടുള്ള കമ്പനിക്ക് അത് കൂടാതെ വജ്രം, സ്‌പഞ്ച് ഇരുമ്പ് (sponge iron) എന്നിവയ്ക്ക് പുറമെ കാറ്റില്‍ നിന്നും വൈദ്യുതി ഉല്‍പ്പാദിപ്പിച്ച് വിപണനം ചെയ്യുന്ന കമ്പനിയാണിത്. പ്രതികൂലമായ വിപണിയിലും കമ്പനിയുടെ 2022-23 ഡിസംബര്‍ പാദ സാമ്പത്തിക ഫലം പ്രതീക്ഷിച്ചതിലും മെച്ചമായിരുന്നു. ഉരുക്ക് വിപണിയുടെ വളര്‍ച്ചാ സാധ്യത മെച്ചപ്പെടുന്ന സാഹചര്യത്തില്‍ എന്‍ എം ഡി സി ഓഹരി ആകര്‍ഷകമാകുന്നുമുണ്ട്. ഓഹരി സംബന്ധിച്ച് മറ്റുവിവരങ്ങള്‍.
1. നവംബര്‍ 2022 ന് ശേഷം ഇരുമ്പയിര് വില ടണ്ണിന് 600 മുതല്‍ 1300 വരെ ഉയര്‍ത്തി, 2023 -24 ല്‍ 50 ദശലക്ഷം ടണ്‍ വില്‍പ്പന നടത്താന്‍ ലക്ഷ്യമിടുന്നു.
2. ഫെബ്രുവരിയില്‍ എന്‍ എം ഡി സി സ്റ്റീല്‍ ലിമിറ്റഡ് പ്രത്യേകം ലിസ്റ്റ് ചെയ്യപ്പെട്ടു. ഉരുക്ക് ബിസിനസ് വിഭജിച്ചത് മൂലധന തീവ്രത കുറയ്ക്കും കൂടാത്ത ലാഭവിഹിത പേ ഔട്ട് അനുപാതം മെച്ചപ്പെടുത്തും. ഇത് എന്‍ എം ഡി സി യുടെ ഓഹരി മൂല്യം മെച്ചപ്പെടാന്‍ സഹായിക്കും.
3. 2022-23 ല്‍ മൊത്തം മൂലധന ചെലവ് 3500 കോടി രൂപയാണ്. ഇതില്‍ 1500 കോടി രൂപ യോളം ഉരുക്ക് നിര്‍മാണ ശേഷി വര്‍ധിപ്പിക്കാനാണ്. 2023-24 ല്‍ മൊത്തം മൂലധന ചെലവ് 1500-1600 കോടി രൂപയാണ്. ഉരുക്ക് വിപണി മെച്ചപ്പെടുന്ന സാഹചര്യത്തില്‍ കമ്പനിയുടെ വികസന പ്രവര്‍ത്തങ്ങളിലൂടെ ആദായം മെച്ചപ്പെടുത്താന്‍ സാധിക്കും.
4. കോവിഡിന് ശേഷം ചൈന യില്‍ ഉരുക്ക് ഡിമാന്‍ഡ് വര്‍ധിക്കുന്നതും, ഇന്ത്യയില്‍ ഉരുക്ക്, ഇരുമ്പയിര് കയറ്റുമതി തീരുവ എടുത്തുകളഞ്ഞതും, കോക്കിങ് കല്‍ക്കരിയുടെ ഇറക്കുമതി തീരുവ ഒഴിവാക്കിയതും ഉരുക്ക് വ്യവസായത്തിന് അനുകൂലമാണ്. ഇതിലൂടെ ഇരുമ്പയിര് ആഭ്യന്തര വിപണിയില്‍ വില വര്‍ധിക്കും, വില്‍പ്പനയും കൂടും. എന്‍ ഡി സി യുടെ പ്രവര്‍ത്തന ഫലം മെച്ചപ്പെടും.
5. 2022 -23 മുതല്‍ 2024 -25 കാലയളവില്‍ ഇരുമ്പയിര് വില്‍പ്പന 9 % സംയുക്ത വാര്‍ഷിക വളര്‍ച്ച നിരക്ക് കൈവരിക്കുമെന്ന് പ്രതീക്ഷിക്കുന്നു. വരുമാനം 16, നികുതിക്കും പലിശക്കും മുന്‍പുള്ള ആദായം (EBITDA) 21 %, അറ്റാദായം 16 % സംയുക്ത വാര്‍ഷിക വളര്‍ച്ച നേടും.
നിക്ഷേപകര്‍ക്കുള്ള നിര്‍ദേശം: വാങ്ങുക (Buy)
ലക്ഷ്യ വില 145 രൂപ
നിലവില്‍- 116.50 രൂപ
Stock Recommendation by Sharekhan by BNP Paribsa
Equity investing is subject to market risk. Always do your own research before investing.