കോവിഡ് കാലത്തും പൊടിപൊടിക്കുന്ന കച്ചവട രംഗം ഇതാണ് !

ലോക്ക് ഡൌൺ കാലത്ത് ആഡംബര ചിലവുകൾ ഒക്കെ കുറഞ്ഞു, യാത്രകൾ ഒക്കെ മാറ്റി വയ്ക്കപ്പെട്ടു, വലിയ റെസ്റ്റോറന്റുകളിൽ പോയി ഭക്ഷണം കഴിക്കൽ നിന്ന് പോയി, സിനിമ, ആഡംബര പർച്ചേസിംഗ് ഒക്കെ നിലച്ചു. സാമ്പത്തിക അരക്ഷിതാവസ്ഥ വന്നു. അതോടെ പല യുവാക്കളും എളുപ്പത്തിൽ സമ്പാദ്യം വർദ്ധിപ്പിക്കാനുള്ള വഴി തേടിത്തുടങ്ങി. അതോടെയാണ് അധിക ചലവുകളില്ലാതെ മിച്ചം വന്ന പണം സ്റ്റോക്ക് മാർക്കറ്റിലും മ്യൂച്ച്വൽ ഫണ്ടുകളിലും നിക്ഷേപം നടത്തുന്ന കാര്യം പലരും ആലോചിച്ചു തുടങ്ങിയത്. വീട്ടിൽ അടച്ചിടപ്പെട്ടപ്പോൾ യുവാക്കളൊക്കെ ഓൺലൈൻ സ്റ്റോക്ക് മാർക്കറ്റു പ്ലാറ്റുഫോമുകൾ സെർച്ച് ചെയ്യാൻ തുടങ്ങി.

സ്റ്റോക്ക് മാർക്കറ്റിൽ ഇത്തരത്തിൽ നിക്ഷേപം ഇറക്കുന്നവരിൽ യുവാക്കളാണ് മുമ്പിൽ. ബാംഗ്ലൂർ ആസ്ഥാനമായ ഓൺലൈൻ ഇൻവെസ്റ്റ്മെന്റ് പ്ലാറ്റഫോം ഗ്രോ (Groww) ലക്‌ഷ്യം വയ്ക്കുന്നത്ആദ്യമായി നിക്ഷേപം നടത്തുന്നവരെയും രണ്ടായിരത്തിന് ശേഷം പിറന്ന മില്ലേനിയൽ കുട്ടികളെയുമാണ്. ഗ്രോയിലാകട്ടെ അക്കൗണ്ട് തുറക്കാൻ വളരെ എളുപ്പം. സ്റ്റോക്ക് മാർക്കറ്റ് ആയാലും മ്യൂച്ച്വൽ ഫണ്ടുകളിലായാലും ഇടപാടുകളെല്ലാം ഓൺലൈൻ.

ഗ്രോ 2020 ജൂണിൽ സ്റ്റോക്കുകൾ ലോഞ്ച് ചെയ്തിട്ട് ആറു മാസത്തിനകം എട്ട് ലക്ഷം ഡീമാറ്റ് അക്കൗണ്ടുകളാണ് തുറക്കപ്പെട്ടത്. നിക്ഷേപകരിൽ മൂന്നിൽരണ്ട് ഭാഗം 30 വയസ്സിൽ താഴയുള്ളവർ. അതിൽ തന്നെ 33 ശതമാനം പേര് GenZ എന്ന് വിളിക്കപ്പെടുന്ന 18 നും 24 നും ഇടയിൽ പ്രായമുള്ള ന്യൂ ജെൻ പിള്ളേർ. കൂടാതെ 37 ശതമാനം പേർ 24 നും 30 നും ഇടയിലുള്ള മില്ലേനിയൽ ചെറുപ്പക്കാർ.

ഇതിനകം ഗ്രോയിൽ രജിസ്റ്റർ ചെയ്തിട്ടുള്ള പകുതി പേരും സ്റ്റോക്ക് മാർക്കറ്റിൽ നിക്ഷേപം നടത്താനാണ് താൽപര്യപ്പെടുന്നത്. അതിൽ തന്നെ 50 ശതമാനം പേർ ഗ്രോയിൽ ചേർന്ന് താമസിയാതെ മ്യൂച്ച്വൽ ഫണ്ടുകളിലും നിക്ഷേപം നടത്താൻ ഉദ്ദേശിക്കുന്നവർ.

രസകരമായ മറ്റൊരു വസ്തുത ഏറ്റവും കൂടുതൽ പേർ നിക്ഷേപത്തിന് തിരഞ്ഞെടുത്ത മേഖല ബാങ്കിങ് ആൻഡ് ഫൈനാൻസിങ് ആണ് എന്നതാണ്. സ്റ്റോക്കുകളിൽ നിന്ന് ഉണ്ടാകുന്ന വരുമാനത്തിന്റെ തോത് നോക്കിയാൽ 24 ശതമാനം ഈ രംഗത്ത് നിന്നാണ്. കോവിഡ് മഹാമാരി കാര്യമായി ബാധിച്ച ഒരു രംഗം ബാങ്കിങ് ആൻഡ് ഫൈനാൻസിങ് മേഖലയാണ്. അത്കൊണ്ട് തന്നെ സാമ്പത്തിക മേഖലയിൽ പല തിരിച്ചടികളും ഉണ്ടായി. 2020 ൽ നിഫ്റ്റിയിൽ 5.5% ഇടിവുണ്ടായി മേഖലയാണിത്. ഇതേ മേഖല 2019 ൽ 16.9% നേട്ടം ഉണ്ടാക്കിയിരുന്നു എന്നത് ശ്രദ്ധേയമാണ്.

എന്നിരുന്നാലും, എച്ച് ഡി എഫ് സി ബാങ്കും കൊടാക് മഹീന്ദ്ര ബാങ്കും 2020 ൽ യഥാക്രമം 13.45 ശതമാനവും 9.41 ശതമാനവും മികച്ച വരുമാനം നൽകി. നിഫ്റ്റി പൊതുമേഖലാ ബാങ്കുകളെയും കോവിഡ് തളർത്തി. പൊതു മേഖലാ ബാങ്കുകളുടെ ഓഹരിയിൽ 31.8 ശതമാനം ഇടിവുണ്ടായി. ധനകാര്യ സേവന കമ്പനികൾക്ക് നിഫ്റ്റി ഫിനാൻഷ്യൽ സർവീസ് സൂചിക അനുസരിച്ച് 0.5 ശതമാനം പോസിറ്റീവ് വരുമാനം നേടാൻ കഴിഞ്ഞതിനാൽ സ്ഥിതി മെച്ചപ്പെട്ടു. 2019 ൽ നിഫ്റ്റി ധനകാര്യ സേവന മേഖലാ സൂചിക 25.8 ശതമാനം ഉയർന്നിരുന്നു. സമ്പദ്‌വ്യവസ്ഥ വീണ്ടും ഉയരുന്നതോടെ വരും മാസങ്ങളിൽ ഈ മേഖലയുടെ ഭാവി മെച്ചപ്പെടും.

ബാങ്കിങ് ആൻഡ് ഫൈനാൻസിങ് മേഖല കഴിഞ്ഞാൽ നിക്ഷേപകർ ആശ്രയിക്കുന്നത് ഊർജ്ജ മേഖലയാണ് (12.4%). നിഫ്റ്റി സൂചികയിൽ ഊർജ്ജ മേഖല 2020 ൽ ഇതുവരെ എട്ട് ശതമാനത്തിലധികം ഉയർന്നു. 2019 ൽ ഇത് 13.54 ശതമാനമായിരുന്നു. വൈദ്യുതി ഉൽപാദനത്തിൽ നിന്നാണ് മിക്ക നേട്ടങ്ങളും ലഭിച്ചത്. അദാനി ഗ്രീനിന്റെ കൂടെയുള്ള വിതരണ കമ്പനികൾ 2020 ൽ ഇതുവരെ 685 ശതമാനം വൻ വരുമാനം നേടി. ഇന്ത്യയുടെ പ്രതിശീർഷ വൈദ്യുതി ഉപഭോഗം 140 വാട്ട് ആണ്. ഇത് ലോകത്തിലെ ഏറ്റവും താഴ്ന്ന ഒന്നാണ്, അതിനാൽ വളരെയധികം ആവശ്യക്കാരുണ്ട്. പുനരുപയോഗ ഊർജ്ജ സ്രോതസ്സുകളിൽ നിന്ന് വൈദ്യുതി ഉൽപാദിപ്പിക്കുന്നതിലൂടെ ഈ വിടവ് പ്രയോജനപ്പെടുത്താൻ ആഗ്രഹിക്കുന്ന കമ്പനികൾക്ക് അനുകൂലമാണ് വിപണി.

മറുവശത്ത്, ചരിത്രത്തിൽ ആദ്യമായി എണ്ണവില നെഗറ്റീവ് ആയി മാറിയപ്പോൾ, 2020 ൽ റിലയൻസ് ഇൻഡസ്ട്രീസ് ഒഴികെയുള്ള എല്ലാ റിഫൈനറി സ്റ്റോക്കുകളുടെയും വരുമാനം നെഗറ്റീവ് ആയിരുന്നു. എണ്ണവില ഇപ്പോൾ ബാരലിന് 45-50 ഡോളർ എന്ന നിലയിൽ സ്ഥിരമായി നിലകൊള്ളുന്നു. കോവിഡ് 19 ന് ശേഷം ലോകത്തിലെ പല രാജ്യങ്ങളിലെയും സാമ്പത്തിക മേഖല വീണ്ടും മെച്ചപ്പടുമ്പോൾ എണ്ണവില ഉയർന്നേക്കും.

ഫാർമസ്യൂട്ടിക്കൽ മരുന്ന് മേഖലയിൽ നിന്നുള്ള ഓഹരി വരുമാനം 8.8% ആണ്. 2020 ൽ ഏറ്റവും മികച്ച പ്രകടനം കാഴ്ചവച്ച മേഖല ഫാർമ മേഖലയായിരുന്നുവെന്നതിൽ സംശയമില്ല, 1920 ൽ സ്പാനിഷ് ഇൻഫ്ലുവൻസയ്ക്ക് ശേഷം ഉണ്ടായ ആദ്യത്തെ ആഗോള മഹാമാരിയുടെ കാലത്ത് ഇത് ആശ്ചര്യകരമല്ല. ലോറസ് ലാബ്സ് അതിന്റെ നിക്ഷേപകർക്ക് 383 ശതമാനം വരുമാനം നേടിക്കൊടുത്തു. നിഫ്റ്റി ഫാർമ സൂചക 53.5 ശതമാനം ഉയർന്നു. 500 കോടിയിലധികം വിപണി മൂലധനമുള്ള 50 ഫാർമ കമ്പനികളിൽ രണ്ടെണ്ണം മാത്രമാണ് നിക്ഷേപകർക്ക് നെഗറ്റീവ് വരുമാനം ഉണ്ടാക്കിയത്. 2019 ൽ നിഫ്റ്റി ഫാർമ സൂചിക 7.7% കുറഞ്ഞതിനാൽ എല്ലായ്പ്പോഴും ഫാർമ സ്റ്റോക്കുകൾക്ക് കാര്യങ്ങൾ മികച്ചതായിരുന്നില്ല എന്നതും ശ്രദ്ധേയമാണ്.

ഓട്ടോമൊബൈൽ മേഖലയിൽ നിന്നുള്ള ഓഹരി വരുമാനം 7.4%. ഓട്ടോമൊബൈൽ വ്യവസായം 2019 ലും 2020 ന്റെ ആദ്യ ആറുമാസത്തിലും മാന്ദ്യം കാണിച്ചപ്പോൾ, വർദ്ധിച്ചുവരുന്ന ആവശ്യവും വ്യക്തിഗത മൊബിലിറ്റിയുടെ ആവശ്യകതയും ഈ മേഖലയിലെ വളർച്ചയ്ക്ക് കാരണമായതായികരുതപ്പെടുന്നു. 2019 ൽ 7 ശതമാനത്തിന്റെ ഇടിവിനെ അപേക്ഷിച്ച് 2020 ൽ നിഫ്റ്റി ഓട്ടോ ഇതുവരെ 11 ശതമാനം ഉയർന്നു. 2019 നെ അപേക്ഷിച്ച്, കോവിഡ് മഹാമാരി ഉണ്ടായിട്ടും 2020 നവംബറിൽ മൊത്തം വാഹനമേഖലയിൽ 8.8 ശതമാനം വിൽപ്പന വർദ്ധനവുണ്ടായി. പകർച്ചവ്യാധി വൈറസ് കാരണം ഫ്ലൈറ്റുകളിലും ട്രെയിനുകളിലും യാത്ര ചെയ്യുന്നതുമായി ബന്ധപ്പെട്ട അപകടസാധ്യതയും ആളുകൾ റോഡിലൂടെ പോകാൻ താൽപ്പര്യപ്പെടുന്നതുമാണ് സമീപകാല ഡിമാൻഡ് കുതിപ്പിന് കാരണം.

ഫാർമയ്‌ക്കൊപ്പം 2020 ൽ ഐടി കമ്പനികൾ ഈ വർഷം കൂടുതൽ ശക്തി പ്രാപിച്ചു. ഐ ടി സോഫ്റ്റ്‌വെയർ ഓഹരി വരുമാനം 6.4% ആയിരുന്നു 2020 ൽ. ഐ ടി സൂചിക ഇതുവരെ 44 ശതമാനം ഉയർന്നു. 2019 ലും വരുമാനം മാന്യമായിരുന്നു. നിഫ്റ്റി ഐ ടി സൂചിക 11.55 ശതമാനം ഉയർന്നെങ്കിലും 2020 ലെ വരുമാനവുമായി താരതമ്യപ്പെടുത്തുമ്പോൾ കുറവാണ്. എന്താണ് ഈ ഉയർച്ചയ്ക്ക് കാരണമായത് എന്ന് ആലോചിക്കുമ്പോൾ തെളിയുന്ന ചില സാധ്യതകളുണ്ട്. ക്ലൗഡ് അധിഷ്ഠിത സേവനങ്ങൾക്കായുള്ള ശക്തമായ ഡിമാൻഡുള്ള ഉപഭോക്തൃ സ്വഭാവത്തിലും മുൻഗണനകളിലും കോവിഡ് മാറ്റങ്ങൾ വരുത്തിയിട്ടുണ്ട്. എല്ലാ പ്രവർത്തനങ്ങളും ഡിജിറ്റൈസ് ചെയ്യുന്നതിനും ഓട്ടോമേറ്റ് ചെയ്യുന്നതിനും കമ്പനികൾ പുതിയ മാർ‌ഗ്ഗങ്ങൾ ‌സ്വീകരിച്ചതിലൂടെ ജോലിസ്ഥലങ്ങൾ കഴിഞ്ഞ കുറെ മാസങ്ങളിൽ‌ വലിയൊരു ഡിജിറ്റൽ പരിവർത്തനത്തിന് വിധേയമായിട്ടുണ്ട്. വിൽപ്പനയിലും ഓർഡറുകളിലും വമ്പിച്ച വർധനയ്‌ക്കൊപ്പം ഓപ്പറേഷൻ മാർജിനിലും വർധനയുണ്ടായി.

ടെലികമ്മ്യൂണിക്കേഷൻ സ്റ്റോക്കുകൾക്ക് 2020 ഒരു നല്ല വർഷമായിരുന്നു,ഈ വര്ഷം ടെലികോം സൂചിക ഏതാണ്ട് 17 ശതമാനം ഉയർന്നു. ഈ മേഖലയിൽ നിന്നുള്ള വരുമാനം അഞ്ച് ശതമാനം ഉയർന്നു. രണ്ട് കമ്പനികളുടേത് ഒഴിച്ച് എല്ലാ ടെലികമ്മ്യൂണിക്കേഷൻ സ്റ്റോക്കുകളും ഈ വർഷം നിക്ഷേപകർക്ക് നല്ല വരുമാനം നേടിക്കൊടുത്തു. ബി ‌എസ് ‌ഇ ടെലികോം സൂചിക 10 ശതമാനം ഇടിഞ്ഞതോടെ ടെലികോം സ്റ്റോക്ക് നിക്ഷേപകർക്ക് നെഗറ്റീവ് വരുമാനം സൃഷ്ടിച്ച 2019 മുതൽ ഇത് ഒരു പ്രധാന വഴിത്തിരിവാണ്. ടെലികോം സ്റ്റോക്കുകളുടെ ഡിമാൻഡ് വർദ്ധിക്കുന്നതിന് ചൂണ്ടിക്കാണിക്കപ്പെടുന്ന ഘടകങ്ങൾ പലതാണ്. ഈ മേഖലയിൽ ഇപ്പോൾ 4 ജി ഡേറ്റ സേവനങ്ങൾക്കാണ് ഡിമാൻഡ്. സ്മാർട്ട്‌ ഫോണുകൾ കൂടുതൽ താങ്ങാനാകുന്ന വിലയായതോടെ ഡേറ്റയ്ക്ക് വളരെയധികം ഡിമാൻഡുണ്ട്. ലോകത്ത് ഏറ്റവുമധികം ഇന്റർനെറ്റ് ഉപയോഗിക്കുന്ന രണ്ടാമത്തെ രാജ്യമാണ് ഇന്ത്യ. ഇപ്പോൾ ഈ മേഖലയിൽ വലിയ മാറ്റങ്ങൾ വന്നിട്ടുണ്ട്. ഒരുപാട് കമ്പനികൾ ഉണ്ടായിരുന്ന ഈ രംഗത്ത് ഇപ്പോൾ മൂന്ന് പ്രധാന കമ്പനികൾ മാത്രം അവശേഷിക്കുന്നു, താരിഫ് വർദ്ധനയും അടുത്തിടെ റിപ്പോർട്ട് ചെയ്യപ്പെട്ടിരുന്നു. അത് ഭാവിയിൽ ഇനിയും കൂടിയേക്കും. വോഡഫോൺ-ഐഡിയ, എയർടെൽ, മറ്റ് ഓപ്പറേറ്റർമാർ എന്നിവർക്ക് അടുത്ത പത്ത് വർഷത്തിനുള്ളിൽ കുടിശ്ശിക അടയ്ക്കേണ്ടിവരുന്നതിനാൽ എ ജി ആർ കുടിശ്ശികയെക്കുറിച്ച് ഇപ്പോൾ വ്യക്തതയുണ്ട്. മുമ്പ് ഇതിനെക്കുറിച്ച് വളരെയധികം അനിശ്ചിതത്വം ഉണ്ടായിരുന്നു, അതിന്റെ ഫലമായി വിപണിയിൽ കാര്യമായ ചാഞ്ചാട്ടമുണ്ടായി.

എഫ് എം സി ജി മേഖലയിൽ നിന്നുള്ള സ്റ്റോക്ക് വരുമാനം മൂന്ന് ശതമാനമാണ് രേഖപ്പെടുത്തിയത്. കോവിഡ് മഹാമാരി 2020 ൽ എഫ്‌ എം‌ സി‌ ജി സ്റ്റോക്കുകളെ പ്രതികൂലമായി ബാധിച്ചില്ല, കാരണം ലോക്ക്ഡ ഡൗൺ സമയത്ത് പോലും എഫ് ‌എം‌ സി ‌ജി കമ്പനികളുടെ ചരക്കുകൾ അവശ്യവസ്തുക്കളായി തരംതിരിച്ചിട്ടുണ്ട്. തൽഫലമായി, നിഫ്റ്റി എഫ് എം സി ‌ജി സൂചിക 2020 ൽ ഇതുവരെ 13.45 ശതമാനം ഉയർന്നു. 2019 ൽ ഇത് 0.15 ശതമാനത്തിന്റെ നെഗറ്റീവ് റിട്ടേൺ ആയിരുന്നു. ഈ രംഗത്തെ മിക്കവാറും എല്ലാ സ്റ്റോക്കുകളും നേട്ടമുണ്ടാക്കി. എൽ ‌ടി ഫുഡ്സ്, എ ‌ഡി‌ എഫ് ഫുഡ്സ് എന്നിവ 2020 ൽ യഥാക്രമം 171 ശതമാനവും 84.56 ശതമാനവും വരുമാനം നേടി. ഹിന്ദുസ്ഥാൻ യൂണിലിവർ ലിമിറ്റഡ് പോലുള്ള വലിയകമ്പനികളും 2020 ൽ 18.3 ശതമാനത്തിന്റെ മാന്യമായ വരുമാനം നേടി.