കൊച്ചി വിമാനത്താവളത്തിൽ കോവിഡ് ടെസ്റ്റ് ചെയ്യാൻ സൗകര്യം
യാത്രക്കാർക്കും പൊതു ജനങ്ങൾക്കും ടെസ്റ്റ് നടത്താനുള്ള സജീകരണങ്ങൾ ലഭ്യമാണ്.
കൊച്ചി രാജ്യാന്തര വിമാനത്താവളത്തിൽ കോവിഡ് ടെസ്റ്റ് നടത്താനുള്ള സൗകര്യങ്ങൾ സജ്ജമായി. വിമാനത്താവളത്തിൽ എത്തുന്ന യാത്രക്കാർക്കും പൊതുജനങ്ങൾക്കും ഒരുപോലെ ഈ സൗകര്യം പ്രയോജനപ്പെടുത്താവുന്നതാണ്. 15 മിനിറ്റ് കൊണ്ട് ആന്റിജൻ ടെസ്റ്റ് ഫലവും എട്ട് മണിക്കൂറിൽ ആർ ടി- പി സി ആർ ടെസ്റ്റ് റിസൾട്ടും ലഭ്യമാകും.
ആന്റിജൻ ടെസ്റ്റിന് 625 രൂപയും ആർ ടി - പി സി ആർ ടെസ്റ്റിന് 2100 രൂപയുമാണ് നിരക്ക്. ടി വൺ, ടി ത്രീ ടെർമിനലുകളിൽ ആയിരിക്കും സാമ്പിൾ കളക്ഷൻ സെന്ററുകൾ പ്രവർത്തിക്കുക.
കിൻഡർ ഹോസ്പിറ്റലുമായി സഹകരിച്ചു കൊണ്ടാണ് സംവിധാനം ഒരുക്കിയിട്ടുള്ളത്. 24മണിക്കൂറും സാമ്പിൾ കളക്ഷൻ സെന്ററുകൾ പ്രവർത്തിക്കുമെന്നാണ് ആശുപത്രി അധികൃതർ അറിയിച്ചിട്ടുള്ളത്.