ശബരിമല സീസണോടനുബന്ധിച്ച് പ്രത്യേക ട്രെയിനുകള്‍, ചെങ്ങന്നൂരില്‍ സ്റ്റോപ്പ്, ട്രെയിനുകള്‍ ഇവയാണ്

ശബരിമല മണ്ഡല-മകരവിളക്ക് ഉത്സവക്കാലത്തോടനുബന്ധിച്ച് ചെങ്ങന്നൂർ വഴി പതിനൊന്ന് സ്പെഷൽ ട്രെയിനുകള്‍ സര്‍വീസ് നടത്തും. ട്രെയിനുകൾക്ക് ചങ്ങനാശേരിയിലും സ്റ്റോപ്പുണ്ടാകും. രണ്ടാം ഘട്ടത്തില്‍ കൂടുതൽ പ്രത്യേക ട്രെയിനുകൾ ഓടിക്കാനുള്ള നടപടികളും ദക്ഷിണ റെയിൽവേ സ്വീകരിക്കുന്നുണ്ട്.

തിരുവനന്തപുരം നോർത്ത് - എസ്എംവിടി ബെംഗളൂരു (06083/83), മൗല അലി (ഹൈദരാബാദ്) - കൊല്ലം (07141/42), ഹസൂർ സാഹിബ് നന്ദേഡ് - കൊല്ലം (07139/40), എംജിആർ ചെന്നൈ - കൊല്ലം എസി ഗരീബ് എക്സ്പ്രസ് (06119/20), എംജിആർ ചെന്നൈ - കൊല്ലം (06117/18), എംജിആർ ചെന്നൈ - കൊല്ലം (06113/14), ഹൈദരാബാദ് - കോട്ടയം - സെക്കന്തരാബാദ് സ്പെഷൽ (07137/38), കോട്ടയം - ഹൈദരാബാദ് സ്പെഷൽ (07135/36), കാച്ചെഗുഡ - കോട്ടയം സ്പെഷൽ (07131/32), കച്ചെഗുഡ – കോട്ടയം സ്പെഷൽ (07133/34), എംജിആർ ചെന്നൈ – കൊല്ലം (06111/12).

കൂടാതെ, നവംബർ 16 മുതൽ ഡിസംബർ 20 വരെ തിരുവനന്തപുരം-നിസാമുദ്ദീൻ സൂപ്പർഫാസ്റ്റ് എക്‌സ്പ്രസിന് ചെങ്ങന്നൂർ റെയിൽവേ സ്റ്റേഷനിൽ താൽക്കാലിക സ്റ്റോപ്പ് അനുവദിച്ചിട്ടുണ്ട്.