വീട്ടുവാടക അലവൻസ് കിട്ടുന്നില്ലേ? അപ്പോഴുമുണ്ട്, നികുതിയിളവിന് വകുപ്പ്; വിശദാംശങ്ങൾ അറിയാം

വാടക ചെലവുകൾക്കായി തൊഴിലുടമ തൻ്റെ ജീവനക്കാർക്ക് നൽകുന്ന ശമ്പളത്തിൻ്റെ ഭാഗമാണ് വീട്ടു വാടക അലവൻസ് (എച്ച്.ആർ.എ). വാടകയ്ക്ക് താമസിക്കുന്നവർക്ക് നികുതി ലാഭിക്കാൻ ഇത് സഹായകരമായ നടപടിയാണ്. ഈ സാഹചര്യത്തില്‍ എച്ച്.ആർ.എ കിഴിവിലൂടെ നികുതി ലാഭിക്കുന്നതിനുള്ള വഴികൾ അറിഞ്ഞിരിക്കേണ്ടതാണ്. ഇതിനായി എച്ച്.ആർ.എ യുടെ പ്രധാന വശങ്ങൾ മനസിലാക്കുകയും അതിൻ്റെ നികുതി ആനുകൂല്യങ്ങൾ എങ്ങനെ ക്ലെയിം ചെയ്യാമെന്ന് അറിയുകയും ചെയ്യേണ്ടത് പ്രധാനമാണ്.

നിങ്ങൾ ഒരു ശമ്പളക്കാരനായ ജോലിക്കാരാനേകേണ്ടത് അത്യാവശ്യമാണ്.

ശമ്പളത്തിൻ്റെ ഭാഗമായി നിങ്ങൾക്ക് എച്ച്.ആര്‍.എ ലഭിക്കുന്നുണ്ടാകണം.

നിങ്ങൾ വാടക വീട്ടിലായിരിക്കണം താമസം.

നിങ്ങളായിരിക്കണം യഥാർത്ഥത്തിൽ വീടിൻ്റെ വാടക നൽകേണ്ടത്. അതായത് വാടക രസീത് നിങ്ങളുടെ പേരിൽ ആയിരിക്കണം.

നിങ്ങളുടെ അടിസ്ഥാന ശമ്പളത്തിൽ നിന്ന് നിങ്ങളുടെ യഥാർത്ഥ വാടകയുടെ 10 ശതമാനം കുറച്ചാൽ ലഭിക്കുന്ന തുക.

നിങ്ങളുടെ തൊഴിലുടമ നൽകുന്ന എച്ച്.ആർ.എ.

നിങ്ങളുടെ താമസം മുംബൈ, ഡൽഹി, ചെന്നൈ, കൊൽക്കത്ത എന്നിവിടങ്ങളിലാണെങ്കിൽ നിങ്ങളുടെ ശമ്പളത്തിൻ്റെ 50 ശതമാനം. മറ്റ് സ്ഥലങ്ങളിലാണെങ്കില്‍ ശമ്പളത്തിൻ്റെ 40 ശതമാനം.

ശമ്പളത്തിൽ അടിസ്ഥാന ശമ്പളം, ക്ഷാമബത്ത (ഡി.എ), മറ്റ് കമ്മീഷനുകൾ എന്നിവ ഉൾപ്പെടുന്നുണ്ട് എന്ന കാര്യം പ്രത്യേകം ശ്രദ്ധിക്കുക. അവ എച്ച്.ആർ.എ കണക്കാക്കുമ്പോൾ ബാധകമായിരിക്കും.

നിങ്ങൾ ഒരു വർഷത്തിൽ ഒരു ലക്ഷം രൂപയിൽ കൂടുതൽ വാടക നൽകുകയാണെങ്കിൽ, എച്ച്.ആർ.എ ഇളവ് ക്ലെയിം ചെയ്യുന്നതിന് ഭൂവുടമയുടെ പാൻ നമ്പർ ആവശ്യമാണ്. ഭൂവുടമയ്ക്ക് പാൻ ഇല്ലെങ്കിൽ, നിങ്ങൾ ഒപ്പിട്ട ഡിക്ലറേഷനാണ് സമർപ്പിക്കേണ്ടത്.

വാടക ചെലവുകൾക്കാണ് എച്ച്.ആർ.എ നൽകുന്നത് എന്നതിനാല്‍, നിങ്ങൾ സ്വന്തം വീട്ടിലാണ് താമസിക്കുന്നതെങ്കിൽ നിങ്ങൾക്ക് ഇത് ക്ലെയിം ചെയ്യാൻ സാധിക്കില്ല.

നിങ്ങൾ മാതാപിതാക്കളോടൊപ്പം താമസിക്കുകയും അവരുടെ പേരിൽ വാടക രസീതുകൾ സമർപ്പിക്കുകയും ചെയ്താൽ, നിങ്ങൾക്ക് എച്ച്.ആര്‍.എ ഇളവ് ക്ലെയിം ചെയ്യാം. അതേസമയം, മാതാപിതാക്കൾ അവരുടെ ആദായനികുതി റിട്ടേണിൽ അതേ വാടക വരുമാനം ഉൾപ്പെടുത്തേണ്ടതുണ്ട്.

നിങ്ങളുടെ ഭാര്യയുടെ വാടകയാണ് നിങ്ങൾ അടയ്ക്കുന്നതെങ്കിൽ, അതിൽ നിങ്ങൾക്ക് എച്ച്.ആര്‍.എ കിഴിവ് ക്ലെയിം ചെയ്യാൻ കഴിയില്ല.

സെക്ഷൻ 80 ജി.ജി- നിങ്ങൾക്ക് എച്ച്.ആര്‍.എ ലഭിക്കുന്നില്ലെങ്കിൽ എങ്ങനെ നികുതി ലാഭിക്കാം

നിങ്ങൾ വാടക വീട്ടിലാണ് താമസിക്കുന്നത്, എന്നാൽ ഹൗസ് റെൻ്റ് അലവൻസ് (എച്ച്.ആർ.എ) ലഭിക്കുന്നില്ലെങ്കിലും നിങ്ങൾക്ക് നികുതി ലാഭിക്കാം. ആദായ നികുതി നിയമത്തിലെ സെക്ഷൻ 80 ജി.ജി (80GG) പ്രകാരം നിങ്ങൾക്ക് കിഴിവ് ക്ലെയിം ചെയ്യാവുന്നതാണ്. സ്വയം തൊഴിൽ ചെയ്യുന്ന ആളാണെങ്കിലും നിങ്ങൾക്ക് കിഴിവ് ക്ലെയിം ചെയ്യാം.

സെക്ഷൻ 80 ജി.ജി പ്രകാരം, നിങ്ങൾക്ക് ഇനിപ്പറയുന്ന കിഴിവുകൾ ക്ലെയിം ചെയ്യാം

പ്രതിമാസം 5,000 രൂപ വരെ (പ്രതിവർഷം 60,000 രൂപ)

നിങ്ങളുടെ മൊത്തം വരുമാനത്തിൻ്റെ 25 ശതമാനം

വാടക നല്‍കുന്ന തുകയില്‍ നിന്ന് നിങ്ങളുടെ മൊത്തം വരുമാനത്തിൻ്റെ 10 ശതമാനം കുറച്ച ശേഷം കിഴിവുകൾ ക്ലെയിം ചെയ്യാം

നിങ്ങളുടെ നികുതി അടയ്‌ക്കേണ്ട വരുമാനം കുറയ്ക്കുന്നതിന്, ഇതില്‍ ഏറ്റവും ഉയർന്ന കിഴിവ് നൽകുന്ന ഓപ്ഷൻ ഉപയോക്താവിന് തിരഞ്ഞെടുക്കാവുന്നതാണ്.