EP 56: വലിയ ബ്രാന്‍ഡ് അല്ലാതെ തന്നെ എങ്ങനെ വിപണി കീഴടക്കും?
ലോഗോ ഇല്ലാത്ത, ബ്രാന്‍ഡ് നാമം രേഖപ്പെടുത്താത്ത ഉല്‍പ്പന്നങ്ങള്‍ ഉയര്‍ന്ന വിലയില്‍ വില്‍ക്കുന്നതെങ്ങനെ. ബ്രാന്‍ഡില്ലാതെ തന്നെ അവര്‍ പ്രശ്‌സ്തരാകുന്നു, വിപണി കീഴടക്കുന്നു, എങ്ങനെ? കേള്‍ക്കാം
ഒരു വസ്ത്രം നിങ്ങളുടെ കണ്ണിലുടക്കുന്നു. മനോഹരമായ, വ്യത്യസ്തമായ ഡിസൈനും നിറങ്ങളും. നിങ്ങള്‍ക്കത് വേണമെന്ന അതിയായ ആഗ്രഹം മനസ്സില്‍ നിറയുന്നു. എന്നാല്‍ നിങ്ങള്‍ക്ക് ഭയവുമുണ്ട്. ആ വസ്ത്രത്തിന്റെ വില കൂടുതലായിരിക്കും എന്നാണ് നിങ്ങള്‍ ഭയപ്പെടുന്നത്. കാരണം അതൊരു മികച്ച ബ്രാന്‍ഡഡ് വസ്ത്രമാവും എന്ന് നിങ്ങള്‍ കരുതുന്നു.
തനിക്ക് വാങ്ങാന്‍ കഴിയില്ല എന്ന തികഞ്ഞ ബോധ്യത്തോടെ നിങ്ങളാ വസ്ത്രം സ്പര്‍ശിക്കുന്നു. മടിച്ചു മടിച്ച് അതിന്റെ വില നോക്കുന്നു. എന്നാല്‍ ആ വില നിങ്ങളെ അത്ഭുതപ്പെടുത്തുന്നു. നിങ്ങളുടെ പോക്കറ്റിന് താങ്ങാന്‍ കഴിയുന്ന വില. അവിശ്വസനീയതയോടെ നിങ്ങള്‍ അതിന്റെ ബ്രാന്‍ഡ് നോക്കുന്നു. എന്നാല്‍ അതില്‍ യാതൊരു വിധ ബ്രാന്‍ഡ് നാമവും രേഖപ്പെടുത്തിയിട്ടില്ല. എന്തുകൊണ്ട് ഈ ഉല്‍പ്പന്നത്തിനൊരു ബ്രാന്‍ഡ് നാമമില്ല, ലോഗോയില്ല നിങ്ങള്‍ ചിന്തിക്കുന്നു. ഇതാണ് ബ്രാന്‍ഡ് അല്ലാത്ത ബ്രാന്‍ഡ്. കൂടുതല്‍ കേള്‍ക്കാം