സ്വര്‍ണവിലയില്‍ ചെറിയ കയറ്റം; വെള്ളിക്കും ഇന്ന് വില കൂടി

കേരളത്തില്‍ ഇന്ന് സ്വര്‍ണവിലയില്‍ നേരിയ കയറ്റം. ഗ്രാമിന് 20 രൂപ ഉയര്‍ന്ന് വില 5,710 രൂപയായി. 160 രൂപ വര്‍ധിച്ച് 45,680 രൂപയിലാണ് പവന്‍ വിലയുള്ളത്. 18 കാരറ്റ് സ്വര്‍ണവില ഗ്രാമിന് 15 രൂപ വര്‍ധിച്ച് 4,730 രൂപയിലെത്തി.

രാജ്യാന്തര വിപണിയിലെ വില വര്‍ധനയാണ് ഇന്ന് കേരളത്തിലെ വിലയെയും സ്വാധീനിച്ചത്. കഴിഞ്ഞ ദിവസങ്ങളില്‍ ഔണ്‍സിന് 1,990 ഡോളര്‍ നിലവാരത്തിലേക്ക് വീണ രാജ്യാന്തരവില ഇന്ന് 2,000 ഡോളറിന് മുകളിലെത്തി. 2,003 ഡോളറിലാണ് നിലവില്‍ വ്യാപാരം. അമേരിക്കയിലെ ചില്ലറ വില്‍പനക്കണക്കുകള്‍ (Retail Sales Data) പ്രതീക്ഷിച്ചതിലും താഴെയായത് സ്വര്‍ണത്തിന് നേട്ടമാകുകയായിരുന്നു.

വെള്ളി വില ഇന്നും കയറി

കേരളത്തില്‍ വെള്ളി വില ഇന്നും ഉയര്‍ന്നു. ഒരു രൂപ വര്‍ധിച്ച് 77 രൂപയാണ് ഗ്രാം വില.