അണ്‍ലിമിറ്റഡ് 5 ജി, പരിധികളില്ലാത്ത കോളിംഗ്, ജിയോയുടെ 98 ദിവസത്തെ വമ്പന്‍ പ്ലാനിന്റെ പ്രത്യേകതകള്‍ ഇങ്ങനെ
5ജി കണക്റ്റിവിറ്റി ഇല്ലാത്ത പ്രദേശത്ത് എത്തിയാല്‍ പ്രതിദിനം 2ജിബി 4ജി ഡാറ്റ ലഭിക്കുന്നതാണ്
Image Courtesy: Canva
ജനപ്രിയ മൊബൈൽ നെറ്റ്‌വർക്ക് ഓപ്പറേറ്റർമാരിൽ ഒന്നായ റിലയൻസ് ജിയോ 98 ദിവസത്തെ വാലിഡിറ്റിയുള്ള പുതിയ പ്ലാൻ അവതരിപ്പിച്ചു. പ്രീപെയ്ഡ്, പോസ്റ്റ്പെയ്ഡ് ഉപയോക്താക്കൾക്ക് പ്ലാന്‍ ലഭ്യമാണ്. പുതിയ പ്ലാനിന് 999 രൂപയാണ് വില.
പ്രത്യേകതകള്‍
അൺലിമിറ്റഡ് 5G, അൺലിമിറ്റഡ് വോയ്‌സ് കോളുകള്‍, പ്രതിദിനം 100 എസ്.എം.എസുകള്‍ തുടങ്ങിയവ പ്ലാന്‍ വാഗ്ദാനം ചെയ്യുന്നു. കൂടാതെ ജിയോ ക്ലൗഡ്, ജിയോ സിനിമ, ജിയോ ടിവി സ്യൂട്ട് ആപ്പുകളിലേക്കുള്ള ആക്‌സസും ലഭിക്കുന്നതാണ്.
നിങ്ങൾ 5ജി കണക്റ്റിവിറ്റി ഇല്ലാത്ത പ്രദേശത്ത് എത്തിയാല്‍ പ്രതിദിനം 2ജിബി 4ജി ഡാറ്റ പ്ലാൻ വാഗ്ദാനം ചെയ്യുന്നു. ദൈർഘ്യമേറിയ വാലിഡിറ്റി ആഗ്രഹിക്കുന്നവർക്ക് ഉപകാരപ്രദമാണ് പുതിയ പ്ലാൻ.
മൈജിയോ ആപ്പ്, ജിയോ വെബ്സൈറ്റ് അല്ലെങ്കിൽ ഏതെങ്കിലും അംഗീകൃത റീട്ടെയിലർ തുടങ്ങിയ മാര്‍ഗങ്ങളിലൂടെ ജിയോ ഉപയോക്താക്കൾക്ക് 98 ദിവസത്തെ പ്ലാൻ റീചാർജ് ചെയ്യാവുന്നതാണ്.
ഒ.ടി.ടി പ്ലാനുകള്‍
ഒ.ടി.ടി പ്ലാറ്റ്‌ഫോമുകളിലേക്ക് പ്രവേശനം ലഭിക്കുന്ന പ്രീപെയ്ഡ് പ്ലാനാണ് നിങ്ങൾ തിരയുന്നതെങ്കിൽ 1,049 രൂപ, 1,299 രൂപ പ്ലാൻ ആയിരിക്കും അനുയോജ്യം. രണ്ട് പ്ലാനുകൾക്കും 84 ദിവസത്തെ വാലിഡിറ്റിയാണ് ഉളളത്. അൺലിമിറ്റഡ് വോയ്‌സ് കോളുകളും പ്രതിദിനം 2 ജിബി ഡാറ്റയും പ്ലാന്‍ വാഗ്ദാനം ചെയ്യുന്നു.
1,049 രൂപയുടെ പ്ലാനിൽ സോണി ലിവ്, സീ5 സബ്‌സ്‌ക്രിപ്‌ഷൻ ഉൾപ്പെടുന്നുണ്ട്. 480 പിക്സല്‍ ഗുണനിലവാരത്തില്‍ വീഡിയോകള്‍ കാണാന്‍ സാധിക്കുന്ന സൗജന്യ നെറ്റ്ഫ്ലിക്‌സ് മൊബൈൽ കൂടി ഉൾപ്പെടുന്നതാണ് രണ്ടാമത്തെ പ്ലാന്‍.
അടുത്തിടെ അവതരിപ്പിച്ച 175 രൂപ പ്ലാൻ ഉപയോഗിച്ച് സോണി ലിവ്, സീ 5, ജിയോസിനിമ പ്രീമിയം, ലയൺസ്ഗേറ്റ് പ്ലേ, ഡിസ്കവറി+, സൺ എൻഎക്‌സ്‌ടി, കാഞ്ച ലങ്ക, പ്ലാനറ്റ് മറാഠി, ചൗപാൽ, ഹോയ്‌കോയിക്, ജിയോടിവി തുടങ്ങിയ ഒ.ടി.ടി പ്ലാറ്റ്‌ഫോമുകളിലേക്ക് 28 ദിവസത്തെ ആക്‌സസ് ലഭിക്കുന്നതാണ്. കൂടാതെ 10 ജിബി അധിക ഡാറ്റയും വാഗ്ദാനം ചെയ്യുന്നു.