ഇന്ത്യയില്‍ സ്പുട്നിക് വാക്‌സിന്‍ ഉല്‍പ്പാദനം ആഗസ്‌തോടെ
മൂന്ന് ഘട്ടങ്ങളായാകും സ്പുട്നിക് ഉല്‍പ്പാദനം ആരംഭിക്കുകയെന്ന് റഷ്യയിലെ ഇന്ത്യന്‍ പ്രതിനിധി
റഷ്യയുടെ കോവിഡ് വാക്‌സിന്‍ സ്പുട്‌നിക്കിന്റെ ഉല്‍പ്പാദനം ഇന്ത്യയില്‍ ആഗസ്‌തോടെ ആരംഭിച്ചേക്കുമെന്ന് റഷ്യയിലെ ഇന്ത്യന്‍ പ്രതിനിധി. മൂന്നുഘട്ടങ്ങളായാണ് ഇന്ത്യയില്‍ സ്പുട്നിക് ഉല്‍പ്പാദനം തുടങ്ങുകയെന്ന് റഷ്യയിലെ ഇന്ത്യന്‍ പ്രതിനിധിയായ ബാല വെങ്കിടേഷ് വര്‍മ അറിയിച്ചു. ആദ്യഘട്ടത്തില്‍ റഷ്യയില്‍ നിന്ന് പൂര്‍ണമായും നിര്‍മിച്ച വാക്‌സിന്‍ കയറ്റി അയക്കും. അതിപ്പോള്‍ ആരംഭിച്ചു. രണ്ടാം ഘട്ടത്തില്‍ ബള്‍ക്കായി വാക്‌സിന്‍ കയറ്റി അയക്കും. അത് ഇന്ത്യയില്‍ വെച്ച് കുത്തിവെയ്പ്പ് കേന്ദ്രങ്ങളിലേക്ക് അയക്കാന്‍ പറ്റുന്ന വിധം വേറെ ബോട്ടിലുകളില്‍ മാറ്റി നിറയ്ക്കണം. മൂന്നാം ഘട്ടത്തില്‍ റഷ്യ സ്ഫുട്‌നികിന്റെ സാങ്കേതിക വിദ്യ കൈമാറും. അതേറ്റുവാങ്ങുന്ന ഇന്ത്യന്‍ കമ്പനി, ഇന്ത്യയില്‍ അതിന്റെ നിര്‍മാണം ആരംഭിക്കും.
സോവറിന്‍ വെല്‍ത്ത് ഫണ്ടായ റഷ്യന്‍ ഡയറക്റ്റ് ഇന്‍വെസ്റ്റ്‌മെന്റ് ഫണ്ടാണ് സ്പുട്നിക്ക്‌ വാക്‌സിൻ റഷ്യയ്ക്ക് പുറത്ത് വിപണനം ചെയ്യുന്നത്.