സ്വര്‍ണവില ഈ മാസത്തെ ഏറ്റവും താഴ്ചയില്‍; അനങ്ങാതെ വെള്ളി വില
രാജ്യാന്തര വില താഴോട്ട്
Image : Canva
സംസ്ഥാനത്ത് സ്വര്‍ണവില ഇന്ന് ഈ മാസത്തെ ഏറ്റവും കുറഞ്ഞ നിരക്കിലേക്കെത്തി. രാജ്യാന്തര വിപണിവിലയിലെ കുറവാണ് കേരളത്തിലും പ്രതിഫലിച്ചത്.
പവന് 80 രൂപ കുറഞ്ഞ് വില 44,360 രൂപയായി. 10 രൂപ താഴ്ന്ന് 5,545 രൂപയിലാണ് ഗ്രാം വ്യാപാരം. 18 കാരറ്റ് സ്വര്‍ണത്തിന് വില 4,600 രൂപ; ഇന്ന് കുറഞ്ഞത് 5 രൂപ. ഈ മാസം മൂന്നിന് കേരളത്തില്‍ പവന് 45,280 രൂപയും ഗ്രാമിന് 5,660 രൂപയുമായിരുന്നു വില.
അതേസമയം, വെള്ളി വിലയില്‍ മാറ്റമില്ല. സാധാരണ വെള്ളിക്ക് 76 രൂപയും ഹോള്‍മാര്‍ക്ക്ഡ് വെള്ളിക്ക് 103 രൂപയുമാണ് വില. രാജ്യാന്തര വില ഔണ്‍സിന് മൂന്ന് ഡോളര്‍ താഴ്ന്ന് 1,934 ഡോളറിലാണുള്ളത്.