പ്രമുഖ ജൂവല്‍റികളില്‍ നിന്നും 100 രൂപ മുതല്‍ ഓണ്‍ലൈനായി സ്വര്‍ണം വാങ്ങാം!
കല്യാണ്‍ ജൂവലേഴ്‌സ് ഉള്‍പ്പെടെ നിരവധി പ്രമുഖ ജൂവല്‍റികള്‍ പോലും ഓണ്‍ലൈനില്‍ സജീവമാകുന്നു. എങ്ങനെയാണ് 100 രൂപ മുതല്‍ ഗോള്‍ഡ് സ്‌കീമില്‍ ചേരാനാകുക? എന്തൊക്കെ കാര്യങ്ങള്‍ ശ്രദ്ധിക്കണം.
100 രൂപ മുതല്‍ നിക്ഷേപിച്ച് ഡിജിറ്റല്‍ പ്ലാറ്റ്‌ഫോമുകളിലൂടെ സ്വര്‍ണം വാങ്ങാം, അതും വിശ്വസ്തരായ ജൂവല്‍റികളില്‍ നിന്നും. വിവിധ കാലഘട്ടത്തിലേക്കുള്ള വിവിധ സ്‌കീമുകളാണ് കല്യാണ്‍ ജൂവലേഴ്‌സ് അടക്കമുള്ള ജൂവല്‍റികള്‍ അവതരിപ്പിച്ചിരിക്കുന്നത്. ചെറിയ തുകകള്‍ക്ക് നിക്ഷേപിച്ച് ചുരുങ്ങിയത് ഒരുഗ്രാമിന് തുല്യമായ നിക്ഷേപം മുതല്‍ നിക്ഷേപമാരംഭിക്കാം. പിന്നീട് നാണയമായോ ആഭരണമായോ തിരിച്ചെടുക്കാം.
വീട്ടിലിരുന്ന് മൊബൈല്‍ ഫോണിലൂടെ ഡിജിറ്റല്‍ ഗോള്‍ഡില്‍ നിക്ഷേപിക്കാനും നിക്ഷേപം തിരിച്ചെടുക്കാനും സാധിക്കും. പലരും അവ വില്‍ക്കാനും സൗകര്യം വാഗ്ദാനം ചെയ്യുന്നു. നിലവില്‍ ആമസോണും പേടിഎമ്മും ഉള്‍പ്പെടെയുള്ളവര്‍ രാജ്യത്ത് ഈ മേഖലയില്‍ സജീവപങ്കാളികളാണ്.
ഗോള്‍ഡ് & ഡയമണ്ട് വില്‍പ്പനയുടെ ഓണ്‍ലൈന്‍ വിഭാഗത്തില്‍ ടാറ്റാ ഗ്രൂപ്പിന്റെ തനിഷ്‌കും സജീവമായുണ്ട്. മൊബൈല്‍ വാലറ്റുകളും വേള്‍ഡ് ഗോള്‍ഡ് കൗണ്‍സിലിന്റെ പിന്തുണയോടെ സേഫ്ഗോള്‍ഡുമൊക്കെ ചെറിയതുകയ്ക്കുപോലും സ്വര്‍ണത്തില്‍ നിക്ഷേപിക്കാന്‍ സൗകര്യമൊരുക്കി ഡിജിറ്റല്‍ ഗോള്‍ഡ് പദ്ധതികള്‍ ഒരുക്കിയിട്ടുണ്ട്.
ഓഗ്മോണ്ടുമായി ചേര്‍ന്നാണ് കല്യാണ്‍ ജുവലേഴ്സ് ഡിജിറ്റല്‍ ഗോള്‍ഡ് പദ്ധതി അവതരിപ്പിച്ചിട്ടുള്ളത്. തനിഷ്‌കിനെയും കല്യാണ്‍ ജുവലേഴ്സ് ഇന്ത്യ ലിമിറ്റഡിനെയും കൂടാതെ പിസി ജൂവലര്‍ ലിമിറ്റഡ്, സെന്‍കോ ഗോള്‍ഡ് ആന്‍ഡ് ഡയമണ്ട്സ് എന്നിവരും ഈ രംഗത്ത് ചുവടുറപ്പിച്ചുകഴിഞ്ഞു. ഓണ്‍ലൈനായോ ഷോറൂമുകള്‍വഴിയോ നിക്ഷേപത്തിനുള്ള സൗകര്യമാണ് ഇവര്‍ ഒരുക്കിയിട്ടുള്ളത്.
ഓണ്‍ലൈനായി സ്വര്‍ണം വാങ്ങുമ്പോള്‍ എന്തൊക്കെ ശ്രദ്ധിക്കണം ?
ഉല്‍പ്പന്നത്തിന്റെ വിശദാംശങ്ങള്‍ പരിശോധിക്കുക. 24 കെ (കാരറ്റ്) സ്വര്‍ണത്തിന്റെ ശുദ്ധമായ രൂപമാണ്, അത് മൃദുലമായതിനാല്‍ ജ്വല്ലറികള്‍ നിര്‍മ്മിക്കാന്‍ അനുയോജ്യമല്ല. 24 കാരറ്റ് രൂപത്തില്‍ നിങ്ങള്‍ക്ക് സ്വര്‍ണ്ണ ബിസ്‌ക്കറ്റ് അല്ലെങ്കില്‍ നാണയങ്ങള്‍ മാത്രമേ ലഭിക്കുകയുള്ളൂ. സാധാരണയായി സ്വര്‍ണ്ണം 24, 22, 18, 14 കാരറ്റുകളിലാണ് വില്‍ക്കുന്നത്. 18 കെ സ്വര്‍ണ്ണത്തിന്റെ 18 ഭാഗങ്ങള്‍, ശേഷിക്കുന്ന 6 (2418) എന്നിവ വെള്ളി, ചെമ്പ്, മുതലായവ ആയിരിക്കും. 'ഉല്‍പ്പന്ന വിശദാംശങ്ങള്‍' എന്ന വിഭാഗത്തില്‍ അലോയ് സ്‌പെസിഫിക്കേഷനുകള്‍ ശ്രദ്ധിക്കേണ്ടതാണ്.
ബി ഐ എസ് (ബ്യൂറോ ഓഫ് ഇന്ത്യന്‍ സ്റ്റാന്‍ഡേര്ഡ്‌സ്) ഹാള്‍മാര്‍ക്ക് സര്‍ട്ടിഫിക്കേഷന്‍ എന്നത് ശുദ്ധമായ സ്വര്‍ണ്ണത്തിന്റെ ആധികാരികതയെ തിരിച്ചറിയുന്നതിനുള്ള ഏറ്റവും പ്രധാനപ്പെട്ട മാര്‍ഗമാണ്.നിങ്ങള്‍ക്ക് ഉല്‍പ്പന്നം ലഭിച്ചുകഴിഞ്ഞാല്‍, നിങ്ങള്‍ക്ക് BIS ചിഹ്നം പരിശോധിക്കാം.
മികച്ച സ്വര്‍ണ്ണ വ്യാപാരികള്‍ ബി.ഐ.എസ് സര്‍ട്ടിഫിക്കേഷനായി രജിസ്റ്റര്‍ ചെയ്യുന്നു. നിങ്ങളുടെ വ്യാപാരി രജിസ്റ്റര്‍ ചെയ്തിട്ടുണ്ടോ എന്ന് കാണുന്നതിന് ബി ഐ എസ് വെബ്‌സൈറ്റിലെ പട്ടിക പരിശോധിക്കാം.
സാധാരണയായി സ്വര്‍ണത്തിന്റെ പണിക്കൂലിക്കാണ് ഡിസ്‌കൗണ്ടുകള്‍ ലഭിക്കുക. നിങ്ങള്‍ നിക്ഷേപാവശ്യങ്ങള്‍ക്കായി സ്വര്‍ണ്ണം വാങ്ങുകയാണെങ്കില്‍ സ്വര്‍ണ്ണ ബാറുകള്‍ അല്ലെങ്കില്‍ നാണയങ്ങള്‍ വാങ്ങുക.നിങ്ങള്‍ ആഭരണങ്ങള്‍ വാങ്ങാന്‍ ആണ് ആഗ്രഹിക്കുന്നതെങ്കില്‍ സ്വര്‍ണത്തിന്റെ പണിക്കൂലിയും ജ്വല്ലറിയിലെ കല്ലുകളുടെ വിലയും പരിശോധിച്ച് ഉറപ്പുവരുത്തുക. ബില്ലില്‍ ഓരോന്നിന്റെയും വില കൃത്യമായി രേഖപെടുത്തിയിട്ടുണ്ടെന്നു ഉറപ്പു വരുത്തുക.
സ്വര്‍ണ്ണം വാങ്ങുന്നതിനു മുമ്പായി എല്ലാ നിബന്ധനകളും വ്യവസ്ഥകളും വായിക്കേണ്ടത് പ്രധാനമാണ്. ഇതുകൂടാതെ, ചില വെബ്‌സൈറ്റുകള്‍ 'ട്രൈ അറ്റ് ഹോം' എന്ന ഓപ്ഷന്‍ നല്‍കുന്നു, അത് നിങ്ങള്‍ക്ക് ആഭരണം നന്നായി യോജിക്കുന്നുണ്ടോ എന്ന് വീട്ടില്‍ വരുത്തി പരിശോധിക്കാവുന്നതാണ്. ചിലര്‍ നിങ്ങളുടെ ഫോട്ടോയില്‍ മാച്ച് ആകുന്നതിനുള്ള ഓപ്ഷന്‍ നല്‍കുന്നു, ഇതും പരീക്ഷിക്കാം.
സ്വര്‍ണം ഓണ്‍ലൈനില്‍ വാങ്ങുമ്പോള്‍ സ്വര്‍ണക്കട്ടകളായി വാങ്ങുന്നതാണ് എപ്പോഴും ലാഭകരം.
ഓണ്‍ലൈനായി സ്വര്‍ണം വാങ്ങുമ്പോള്‍ ഏതെങ്കിലും സ്വര്‍ണമോ ക്യാഷ്ബാക്ക് ഓഫറുകളോ ലഭിക്കുന്നതിന് നിങ്ങളുടെ പാന്‍ വിശദാംശങ്ങള്‍ (ആര്‍ ബി ഐ മാനദണ്ഡപ്രകാരം) നല്‍കേണ്ടതായി വരും.