റെക്കോഡില്‍ നിന്ന് താഴെയിറങ്ങി സ്വര്‍ണം
ആഗോള വിപണിയില്‍ ചാഞ്ചാട്ടം തുടരുന്നു
Image Courtesy: istock
സര്‍വകാല റെക്കോഡില്‍ നിന്ന് താഴേക്കിറങ്ങി കേരളത്തിലെ സ്വര്‍ണ വില. പവന് ഇന്ന് 480 രൂപ കുറഞ്ഞ് 46,000 രൂപയായി. ഗ്രാമിന് 60 രൂപ കുറഞ്ഞ് 5,750 രൂപയിലെത്തി.
18 കാരറ്റ് സ്വര്‍ണത്തിനും വില കുറഞ്ഞു. ഗ്രാമിന് 50 രൂപ കുറഞ്ഞ് 4,770 രൂപയായി.
സംസ്ഥാനത്ത് വെള്ളി വിലയില്‍ ഇന്നും മാറ്റമില്ല. സാധാരണ വെള്ളി ഗ്രാമിന് 82 രൂപയിലും 92% വെള്ളി ഗ്രാമിന് 103 രൂപയിലുമാണ് ഉള്ളത്.
ആഗോള വിപണി
ആഗോള വിപണിയില്‍ സ്വര്‍ണ വില ചാഞ്ചാടുകയാണ്. ഇന്നലെ 2,047 ഡോളര്‍ വരെ ഉയര്‍ന്ന സ്‌പോട്ട് സ്വര്‍ണം 2,044 ഡോളറിലാണ് വ്യാപാരം അവസാനിപ്പിച്ചത്. നിലവില്‍ 2,044 ഡോളറിലാണ് വ്യാപാരം തുടരുന്നത്.