വിപണിക്ക് ഉയിര്‍പ്പിന്റെ വെള്ളി! അമേരിക്കന്‍ ഷോക്കിനെ മറികടന്ന് കുതിപ്പ്; തിരിച്ചുകയറി അദാനി ഓഹരികള്‍; കരുത്തുകാട്ടി മുത്തൂറ്റ് ക്യാപിറ്റല്‍
കഴിഞ്ഞ അഞ്ച് മാസത്തിനിടെയുള്ള ഏറ്റവും വലിയ ഉയര്‍ച്ചയ്ക്കാണ് മാര്‍ക്കറ്റ് ഇന്ന് സാക്ഷ്യം വഹിച്ചത്‌
വിദേശ നിക്ഷേപകരുടെ തുടര്‍ച്ചയായ പിന്‍വലിക്കലും പശ്ചിമേഷ്യന്‍ യുദ്ധ ഭീതിയും അദാനിക്കെതിരെയുള്ള അമേരിക്കന്‍ ഷോക്കും ഏല്‍പ്പിച്ച ആഘാതങ്ങള്‍ കുടഞ്ഞെറിഞ്ഞ് ഉയര്‍ത്തെണീല്‍പ്പില്‍ വിപണി. സെന്സെക്സ് 2,000 പോയിന്റോളമാണ് ഇന്നുയര്‍ന്നത്. കഴിഞ്ഞ അഞ്ച് മാസത്തിനിടെയുള്ള ഏറ്റവും വലിയ ഉയര്‍ച്ച. ഏഴ് ആഴ്ചയായി നീണ്ട തിരുത്തലിനു ശേഷമാണ് വിപണി തിരിച്ചു വരവിന്റെ ശക്തമായ സൂചന കാണിക്കുന്നത്.
സെന്സെക്സ് 1,961.32 പോയിന്റ് (2.54%) ഉയര്‍ന്ന് 79,117.11ല്‍ ക്ലോസ് ചെയ്തു. നിഫ്റ്റി 557.35 പോയിന്റ് (2.39%) നേട്ടത്തോടെ 23,907.25ലും വ്യാപാരം അവസാനിപ്പിച്ചു.
സൂചികകളുടെ പ്രകടനം
സൂചികകളില്‍ പച്ചവെളിച്ചം
നേട്ടം കൊയ്തവര്‍
ഇന്ന് നേട്ടം കൊയ്തവരില്‍ മുന്നില്‍ നൗക്കരി ഓഹരികളാണ്. 6.32 ശതമാനം ഉയര്‍ന്നാണ് ഓഹരികള്‍ ക്ലോസ് ചെയ്തത്. ആഗോള നിക്ഷേപക സ്ഥാപനമായ ഗോള്‍ഡ്മാന്‍ സച്‌സ് കമ്പനിയുടെ റേറ്റിംഗ് ഉയര്‍ത്തിയതാണ് ഓഹരിവില പറപറക്കാന്‍ ഇടയാക്കിയത്. പേയ്ടിഎമ്മിന്റെ മാതൃകമ്പനിയായ വണ്‍97 കമ്മ്യൂണിക്കേഷന്റെ ഓഹരികളും ഇന്ന് നിക്ഷേപകര്‍ക്ക് സന്തോഷം പകര്‍ന്നു. 5.72 ശതമാനമാണ് ഓഹരിവില ഉയര്‍ന്നത്. ആഗോള ബ്രോക്കറേജ് സ്ഥാപനമായ ബെര്‍സ്റ്റിന്‍ ലക്ഷ്യവില ഉയര്‍ത്തിയതും സെപ്റ്റംബര്‍ പാദത്തിലെ മികച്ച നേട്ടവും ഗുണം ചെയ്തു. ഗോദ്‌റെജ് പ്രോപ്പര്‍ട്ടി (5.63), ഫീനിക്‌സ് മില്‍സ് (5.33) എന്നീ ഓഹരികളും ഇന്ന് നേട്ടം കൊയ്തു.
നേട്ടം കൊയ്തവര്‍
നഷ്ടം നേരിട്ടവര്‍ ഇവര്‍
നഷ്ടം രേഖപ്പെടുത്തിയവര്‍
കേരള ഓഹരികളുടെ പ്രകടനം
കേരള ഓഹരികളുടെ പ്രകടനം
ബാങ്കിതര ധനകാര്യ സ്ഥാപനങ്ങളുടെ ഓഹരികളെല്ലാം ഇന്ന് ഭേദപ്പെട്ട പ്രകടനം കാഴ്ചവച്ചു. മണപ്പുറം ഫിനാന്‍സ് (0.97), മുത്തൂറ്റ് ഫിനാന്‍സ് (1.41), മുത്തൂറ്റ് മൈക്രോഫിന്‍ (0.40) എന്നിങ്ങനെ നേട്ടംകുറിച്ചു. ജിയോജിത്ത് ഫിനാന്‍ഷ്യല്‍ സര്‍വീസസ് ഓഹരികള്‍ ഇന്ന് 10 ശതമാനമാണ് ഉയര്‍ന്നത്. ഫെഡറല്‍ ബാങ്ക് ഒഴികെയുള്ള ബാങ്ക് ഓഹരികളും ഇന്ന് നേട്ടത്തിലാണ് വ്യാപാരം അവസാനിപ്പിച്ചത്.