ഐ.പി.ഒയ്ക്ക് മുമ്പ് 'ചൂടപ്പം' പോലെ സ്വിഗി ഓഹരികള്‍, വാങ്ങാന്‍ മത്സരിച്ച് സെലിബ്രിറ്റികള്‍
അമിതാഭിനും മാധുരിക്കും പിന്നാലെ രാഹുല്‍ ദ്രാവിഡും സഹീര്‍ ഖാനും കരണ്‍ ജോഹറുമുള്‍പ്പെടെയുള്ളവര്‍; ഗ്രേ മാര്‍ക്കറ്റില്‍ വില ഇങ്ങനെ
ഓണ്‍ലൈന്‍ ഭക്ഷണ വിതരണ കമ്പനിയായ സ്വിഗിയുടെ 11,000 കോടി സമാഹരണം ലക്ഷ്യമിട്ടുള്ള പ്രാരംഭ ഓഹരി വില്‍പ്പനയ്ക്ക് (ഐ.പി.ഒ) ഇന്നലെ സെബി അനുമതി നല്‍കി. നവംബറില്‍ ഐ.പി.ഒ നടക്കുമെന്നാണ് പ്രതീക്ഷിക്കുന്നത്. 3,750 കോടി രൂപയുടെ പുതിയ ഓഹരികളുടെ വില്‍പ്പനയും 6,664 കോടി രൂപയുടെ ഓഫര്‍ ഫോര്‍ സെയിലും (ഒ.എഫ്.എസ്) ഉള്‍പ്പെട്ടതായിരിക്കും ഐ.പി.ഒ. പ്രമോട്ടര്‍മാരുടെയും ഓഹരിയുടമകളുടെയും കൈവശമുള്ള ഓഹരികളാണ് ഓഫര്‍ ഫോര്‍ സെയില്‍ വഴി വില്‍ക്കുന്നത്.
സെലിബ്രിറ്റികളുടെ നീണ്ട നിര
ഐ.പി.ഒയ്ക്ക് മുന്നോടിയായി നടക്കുന്ന ഫണ്ട് സമാഹരണത്തില്‍ പങ്കെടുത്ത് ഓഹരി വാങ്ങാന്‍ ഇടിച്ചു കയറുകയാണ് സെലിബ്രിറ്റി നിക്ഷേപകര്‍. സിനിമാ താരം അമിതാഭ് ബച്ചനാണ് ഓഹരിയുടെ സാധ്യതകള്‍ കണ്ട് ആദ്യം നിക്ഷേപവുമായെത്തിയത്. കഴിഞ്ഞയാഴ്ച മറ്റൊരു സിനിമാ താരമായ മാധുരി ദീക്ഷിത് നിക്ഷേപം നടത്തി. ഇപ്പോള്‍ ബോളിവുഡ് ഡയറക്ടര്‍ കരണ്‍ ജോഹറും ക്രിക്കറ്റ് താരങ്ങളായ രാഹുല്‍ ദ്രാവിഡ്, സഹീര്‍ഖാന്‍, ടെന്നീസ് താരം റോഹന്‍ ബൊപ്പണ്ണ, സംരംഭകനായ ആഷിഷ് ചൗധരി എന്നിവരും കമ്പനിയുടെ ഓഹരികള്‍ സ്വന്തമാക്കിയിരിക്കുന്നു. എന്നാല്‍ നിക്ഷേപത്തിന്റെ കൂടുതല്‍ വിവരങ്ങള്‍ പുറത്തു വിട്ടിട്ടില്ല.
ഗ്രേ മാര്‍ക്കറ്റില്‍ വില്‍പ്പനപ്പൂരം
(Equity investing is subject to market risk. Always do your own research or consult a financial expert before investing)