വിപണിയില്‍ ബുള്ളിഷ് പ്രവണത തുടര്‍ന്നേക്കാം

നിഫ്റ്റി ഇന്നലെ 76.8 പോയിന്റ് (0.38 ശതമാനം) നേട്ടത്തോടെ 20,070 ൽ സെഷൻ അവസാനിപ്പിച്ചു. നിഫ്റ്റി 20,000ന് മുകളിൽ തുടർന്നാൽ വരും ദിവസങ്ങളിലും ബുള്ളിഷ് ആക്കം തുടരും.

നിഫ്റ്റി അൽപം താഴ്ന്നു 19,989.50 ൽ വ്യാപാരം തുടങ്ങി. രാവിലെ തന്നെ 19,944.10 എന്ന ഏറ്റവും താഴ്ന്ന നിലയിലെത്തി. സൂചിക ക്രമേണ ഉയർന്ന് 20,096.90 എന്ന ഇൻട്രാഡേ ഉയർന്ന നിലവാരം പരീക്ഷിച്ചു. 20,070 ൽ ക്ലോസ് ചെയ്തു.

ഐടി, ഓട്ടോ എന്നിവ ഒഴികെയുള്ള എല്ലാ മേഖലകളും പോസിറ്റീവ് ആയി ക്ലോസ് ചെയ്തു. ബാങ്കുകൾ, മാധ്യമങ്ങൾ, ഫാർമ, റിയാലിറ്റി എന്നിവയാണ് കൂടുതൽ നേട്ടമുണ്ടാക്കിയ മേഖലകൾ. വിശാലവിപണി പോസിറ്റീവ് ആയിരുന്നു. 1401 ഓഹരികൾ ഉയർന്നു, 918 എണ്ണം ഇടിഞ്ഞു, 109 എണ്ണം മാറ്റമില്ലാതെ തുടർന്നു.

നിഫ്റ്റിയിൽ ഗ്രാസിം, കോൾ ഇന്ത്യ, ടാറ്റാ കൺസ്യൂമർ, ഭാരതി എയർടെൽ എന്നിവ ഏറ്റവും കൂടുതൽ നേട്ടമുണ്ടാക്കിയപ്പോൾ, എച്ച്‌ഡിഎഫ്‌സി ലൈഫ്, എം ആൻഡ് എം, എൽ ആൻഡ് ടി, അഡാനി പോർട്ട്‌സ് എന്നിവയ്ക്കാണ് കൂടുതൽ നഷ്ടം.

മൊമെന്റം സൂചകങ്ങൾ പോസിറ്റീവ് പക്ഷപാതം കാണിക്കുന്നു. നിഫ്റ്റി ഹ്രസ്വകാല, ദീർഘകാല മൂവിംഗ് ശരാശരികൾക്ക് മുകളിലാണ്. ഡെയ്‌ലി ചാർട്ടിൽ, സൂചിക വെെറ്റ് കാൻഡിൽ (white candle)രൂപപ്പെടുത്തി കഴിഞ്ഞ ദിവസത്തെ ക്ലോസിംഗിനു മുകളിൽ ക്ലാേസ് ചെയ്തു.

സൂചികയ്ക്ക് 20,110 ലെവലിൽ ഇൻട്രാഡേ പ്രതിരോധമുണ്ട്. നിഫ്റ്റി ഈ നിലവാരത്തിന് മുകളിൽ വ്യാപാരം നടത്തുകയാണെങ്കിൽ, വരും ദിവസങ്ങളിലും ബുള്ളിഷ് ട്രെൻഡ് തുടരാം. അടുത്ത ഹ്രസ്വകാല പ്രതിരോധം 20,350 ലെവലിൽ തുടരും. ഏറ്റവും അടുത്തുള്ള ഇൻട്രാഡേ പിന്തുണ 20,040.00 ആണ്.

പിന്തുണ-പ്രതിരോധ നിലകൾ

ഇൻട്രാഡേ സപ്പോർട്ട് ലെവലുകൾ

20,040-19,950-19,875

റെസിസ്റ്റൻസ് ലെവലുകൾ

20,110-20,200-20,280

(15 മിനിറ്റ് ചാർട്ടുകൾ)

ബാങ്ക് നിഫ്റ്റി

ബാങ്ക് നിഫ്റ്റി 398.10 പോയിന്റ് നേട്ടത്തിൽ 45,909.45 ൽ ക്ലോസ് ചെയ്തു. സൂചിക ഹ്രസ്വകാല മൂവിംഗ് ശരാശരിക്ക് മുകളിലാണ്. ഒപ്പം ആക്കം സൂചകങ്ങളും പോസിറ്റീവ് പ്രവണത കാണിക്കുന്നു. സൂചിക പ്രതിദിന ചാർട്ടിൽ വെെറ്റ് കാൻഡിൽ രൂപപ്പെടുത്തി ദിവസത്തിന്റെ ഉയർന്ന നിലവാരത്തിനടുത്തായി ക്ലോസ് ചെയ്തു.

ഏറ്റവും അടുത്തുള്ള ഇൻട്രാഡേ പിന്തുണ 45,900ലാണ്. സൂചിക 45,900 നു മുകളിൽ ട്രേഡ് ചെയ്തു നിലനിർത്തിയാൽ ബുള്ളിഷ് ട്രെൻഡ് തുടരും. അടുത്ത ഹ്രസ്വകാല പ്രതിരോധം 46,300 ലെവലിൽ തുടരുന്നു. 

ഇൻട്രാഡേ സപ്പോർട്ട് ലെവലുകൾ

45,900 -45,700 -45,500

പ്രതിരോധ നിലകൾ

46,100- 46,300 -46,500

(15 മിനിറ്റ് ചാർട്ടുകൾ)