ഓഹരി വിലയില്‍ മുന്നേറ്റ സാധ്യതയുമായി റൂട്ട് മൊബൈല്‍

1. 2022 -23 ല്‍ നൂതന സേവനങ്ങള്‍ ആരംഭിക്കുകയും കൂടുതല്‍ രാജ്യങ്ങളില്‍ ബിസിനസ് വ്യാപിപ്പിക്കുകയും ചെയ്തു. കോഡിങ് ഇല്ലാതെ ചാറ്റ് ജി.പി.ടി ഉപയോഗിച്ച് ചാറ്റ് ബോട്ട് വികസിപ്പിക്കാനുള്ള സാങ്കേതിക വിദ്യ വികസിപ്പിച്ചു. ഇകോമേഴ്സ്- സാമ്പത്തിക- റീറ്റെയ്ല്‍ രംഗത്തുള്ള കമ്പനികള്‍ക്ക് വേണ്ടി ഡിജിറ്റല്‍ തിരിച്ചറിയല്‍, സുരക്ഷ സംവിധാനം എന്നിവ പുറത്തിറക്കി. ശ്രീലങ്ക, ബംഗ്ലാദേശ് എന്നീ രാജ്യങ്ങളില്‍ പുതിയ ഓര്‍ഡറുകള്‍ നേടി. ആദ്യമായി സൗദി അറേബ്യന്‍ വിപണിയിലേക്കും പ്രവേശിച്ചു.

2. 2022-23 ല്‍ മൊത്തം വരുമാനം 3,569.2 കോടി രൂപ. 2019-20 മുതല്‍ 2022-23 വരെയുള്ള കാലയളവില്‍ വരുമാനത്തില്‍ 55 ശതമാനം സംയുക്ത വാര്‍ഷിക വളര്‍ച്ച നിരക്ക് കൈവരിച്ചു. 2022-23 ല്‍ നികുതിക്കും പലിശക്കും മറ്റും മുന്‍പുള്ള ആദായം (EBITDA) 456.6 കോടി രൂപ. 2019-20 മുതല്‍ 2022 -23 വരെയുള്ള കാലയളവില്‍ EBITDA ല്‍ 66 ശതമാനം സംയുക്ത വാര്‍ഷിക വളര്‍ച്ചാ നിരക്ക് കൈവരിച്ചു.

3. ബിസിനസ് ഇ-മെയില്‍ അയക്കാനുള്ള സെന്‍ഡ് ക്ലീന്‍ എന്ന സോഫ്റ്റ്വെയര്‍ സംവിധാനത്തിന് ഇന്ത്യ, ബംഗ്ലാദേശ്, മധ്യ കിഴക്കന്‍ രാജ്യങ്ങള്‍, ശ്രീലങ്ക, ആഫ്രിക്ക, ലാറ്റിന്‍ അമേരിക്ക എന്നിവിടങ്ങളില്‍ ഉപഭോക്താക്കളെ ലഭിച്ചിട്ടുണ്ട്.

4. നൂതന സാങ്കേതിക വിദ്യകള്‍ വികസിപ്പിച്ചാണ് കമ്പനി മുന്നേറാന്‍ ശ്രമിക്കുന്നത്. 2022-23 ല്‍ പുതിയ ഉത്പന്നങ്ങളില്‍ നിന്നുള്ള വരുമാനം മുന്‍ വര്‍ഷത്തെ അപേക്ഷിച്ച് 73 ശതമാനം വര്‍ധിച്ചു. അന്താരാഷ്ട്ര സേവനങ്ങള്‍ക്ക് നിരക്ക് വര്‍ധിപ്പിച്ച് കൂടുതല്‍ ആദായം നേടാന്‍ ശ്രമിക്കുകയാണ്.

5. 2023-24  കാലയളവില്‍ വരുമാനത്തില്‍ 18 ശതമാനം സംയുക്ത വളര്‍ച്ച പ്രതീക്ഷിക്കുന്നു. പ്രതിയോഹരി ആദായം 19 ശതമാനം വളര്‍ച്ച കൈവരിക്കുമെന്ന് കരുതുന്നു. മാര്‍ച്ച് അവസാനം അറ്റ ക്യാഷ് ബാലന്‍സ് 737 കോടി രൂപ കമ്പനിക്ക് ഉണ്ട്.

6. 2022-23 ല്‍ ഒരു ഓഹരിക്ക് 11 രൂപ നിക്ഷേപകര്‍ക്ക് ലാഭവിഹിതം നല്‍കി. ഓഹരി തിരിച്ചു വാങ്ങുന്നതിന് കമ്പനി 120 കോടി രൂപ ചെലവാക്കി.