മൈക്രോഫിനാന്‍സ് രംഗത്ത് മികച്ച വളര്‍ച്ച, ഈ ഓഹരി മുന്നേറാം
ശാഖകളുടെയും ഉപഭോക്താക്കളുടെയും എണ്ണത്തില്‍ വര്‍ധന
Image by Canva
ആന്ധ്രാപ്രദേശിലെ ഗുണ്ടൂരില്‍ 1998ല്‍ സ്ത്രീ ശാക്തീകരണത്തിനായി എന്‍.ജി.ഒയായി പ്രവര്‍ത്തനം ആരംഭിച്ച സ്പന്ദന സ്പൂര്‍ത്തി ഫിനാന്‍ഷ്യല്‍ ലിമിറ്റഡ് (Spandana Spoorthy Financial Ltd) എന്ന സ്ഥാപനം 2005ല്‍ എന്‍.ബി.എഫ്.സിയായി. തുടര്‍ന്ന് 2015ല്‍ എന്‍.ബി.എഫ്.സി-മൈക്രോഫിനാന്‍സ് സ്ഥാപനമായി റിസര്‍വ് ബാങ്ക് അംഗീകാരം നല്‍കി. മൈക്രോഫിനാന്‍സില്‍ ജോയിന്റ് ലയബിലിറ്റി ഗ്രൂപ്പ് (Joint Liability Group) ആയാണ് വായ്പകള്‍ വിതരണം ചെയ്യുന്നത്. ഗ്രാമ പ്രദേശങ്ങളില്‍ വനിതകളുടെ അഞ്ചോ-ആറോ പേര്‍ അടങ്ങുന്ന സംഘങ്ങള്‍ക്കാണ് പ്രധാനമായും വായ്പ നല്‍കുന്നത്. ഈ അംഗങ്ങള്‍ പരസ്പരം ജാമ്യം നില്‍ക്കുകയാണ് ചെയ്യുന്നത്. ഇങ്ങനെ കൊടുക്കുന്ന വായ്പകളുടെ ശരാശരി തുക 36,000 രൂപയാണ്. ഈ വിഭാഗത്തില്‍ പരമാവധി 80,000 രൂപവരെയാണ് നല്‍കാന്‍ ഉദ്ദേശിക്കുന്നത്.
(Equity investing is subject to market risk. Always do your own research or consult a financial expert before investing)