ദേശീയ റാങ്കിംഗില്‍ മിന്നിത്തിളങ്ങി കേരളം, സംസ്ഥാനത്തെ മികച്ച കോളേജുകള്‍ ഇവ
കേരള സര്‍വകലാശാല ഒമ്പതും കുസാറ്റ് പത്തും കോട്ടയം എം.ജി സര്‍വകാലാശാല പതിനൊന്നും കാലിക്കറ്റ് സര്‍വകലാശാല 43ഉം റാങ്ക് നേടി
image credit : canva
എന്‍.ഐ.ആര്‍.എഫ് ഓവറോള്‍ റാങ്കിംഗില്‍ 38ാം റാങ്കും യൂണിവേഴ്‌സിറ്റികളില്‍ 21ാം റാങ്കും കേരള യൂണിവേഴ്‌സിറ്റി കരസ്ഥമാക്കി. കഴിഞ്ഞ തവണയിത് യഥാക്രമം 47, 24 റാങ്കുകളായിരുന്നു. യൂണിവേഴ്‌സിറ്റികളുടെ പട്ടികയില്‍ കുസാറ്റിന് 34ാം റാങ്കുണ്ട്. മഹാത്മാ ഗാന്ധി യൂണിവേഴ്‌സിറ്റി 37ാം റാങ്കിലേക്കും കാലിക്കറ്റ് യൂണിവേഴ്‌സിറ്റി 89ാം റാങ്കിലേക്കും താഴ്ന്നു. അഗ്രിക്കച്ചറല്‍ അനുബന്ധ സെക്ടറില്‍ കേരള അഗ്രിക്കള്‍ച്ചറല്‍ യൂണിവേഴ്‌സിറ്റി പതിനാറും കേരള യൂണിവേഴ്‌സിറ്റി ഓഫ് ഫിഷറീസ് ആന്‍ഡ് ഓഷ്യന്‍ സ്റ്റഡീസ് മുപ്പതും റാങ്കിലുമാണ്.
ആര്‍ട്‌സ് ആന്‍ഡ് സയന്‍സ് കോളേജ്
എന്‍.ഐ.ആര്‍.എഫ് റിപ്പോർട്ടില്‍ ദേശീയതലത്തില്‍ 46ാം റാങ്കുള്ള എറണാകുളം സെന്റ് തെരേസാസ് കോളേജ് മൂന്നാമതും 48ാം റാങ്കുള്ള തേവര എസ്.എച്ച് കോളേജ് നാലാം സ്ഥാനത്തുമുണ്ട്. തിരുവനന്തപുരം ഗവ. വിമന്‍സ് കോളേജ് 49ാം റാങ്കും എറണാകുളം മഹാരാജാസ് കോളേജ് 53ാം റാങ്കും നേടി.