മഴയും വെള്ളക്കെട്ടും; കൊച്ചി മെട്രോയ്ക്ക് നേട്ടം

സാധാരണ ദിവസങ്ങളില്‍ ശരാശരി 65,000 ആളുകളാണ് കൊച്ചി മെട്രോയില്‍ യാത്ര ചെയ്യുന്നത്. എന്നാല്‍ ഇന്നലെ 50 ശതമാനത്തിന്റെ വര്‍ധനവാണ് യാത്രക്കാരുടെ എണ്ണത്തിലുണ്ടായതെന്ന് കണക്കുകള്‍ വ്യക്തമാക്കുന്നു. നേരത്തെ, ജൂണ്‍ 17നായിരുന്നു കൊച്ചി മെട്രോയിലെ യാത്രക്കാരുടെ എണ്ണം എക്കാലത്തെയും ഉയര്‍ന്ന നിലയായ ഒരുലക്ഷം കടന്നത്. അഞ്ചാം വാര്‍ഷികാഘോഷത്തോടനുബന്ധിച്ച് ടിക്കറ്റ് നിരക്ക് അഞ്ച് രൂപയാക്കിയതിന് പിന്നാലെയായിരുന്നു അന്ന് യാത്രക്കാരുടെ എണ്ണം കുത്തനെ ഉയര്‍ന്നത്.