ജിയോ നേടിയത് 85 ലക്ഷം ഉപഭോക്താക്കളെ, മറ്റുള്ള കമ്പനികൾക്ക് നഷ്ടം: ട്രായ്

എയർടെൽ, വൊഡാഫോൺ -ഐഡിയ എന്നിവർക്ക് ലക്ഷക്കണക്കിന് സബ്സ്ക്രൈബർമാരെ നഷ്ടപ്പെട്ടു

Jio

റിലയൻസ് ജിയോ ഉപഭോക്താക്കളുടെ എണ്ണം വീണ്ടും ഉയർത്തി. 85.6 ലക്ഷം സബ്സ്ക്രൈബർമാരെയാണ് ഡിസംബറിൽ നേടിയത്. ഇതോടെ മൊത്തം ജിയോ ഉപഭോക്താക്കളുടെ എണ്ണം 28.01 കോടിയായി.   

ടെലകോം നിയന്ത്രണ അതോറിറ്റി (ട്രായ്) യുടെ കണക്കനുസരിച്ച് എയർടെൽ, വൊഡാഫോൺ -ഐഡിയ എന്നിവർക്ക് ലക്ഷക്കണക്കിന് സബ്സ്ക്രൈബർമാരെ ഈ കാലയളവിൽ നഷ്ടപ്പെട്ടു.     

ബിഎസ്എൻഎലിനും സബ്സ്ക്രൈബർമാരുടെ എണ്ണം കൂടി. 5.56 ലക്ഷം ഉപഭാക്താക്കളെയാണ് ഡിസംബറിൽ ബിഎസ്എൻഎൽ നേടിയത്. ബിഎസ്എൻഎലിന് ആകെ 11.4 കോടി സബ്സ്ക്രൈബർമാരാണ് ഉള്ളത്.   

രാജ്യത്തെ ഏറ്റവും വലിയ ടെലകോം കമ്പനിയായ വൊഡാഫോൺ-ഐഡിയയ്ക്ക് ഡിസംബറിൽ നഷ്ടമായത് 23.32 ലക്ഷം സബ്സ്ക്രൈബർമാരെയാണ്. ഡിസംബർ അവസാനത്തിൽ കമ്പനിയുടെ മൊത്തം ഉപഭോക്താക്കളുടെ എണ്ണം 41.87 കോടിയായിരുന്നു.            

എയർടെല്ലിന് ഡിസംബറിൽ നഷ്ടമായത് 15.01 ലക്ഷം ഉപഭോക്താക്കളെയാണ്. 34.03 കോടി സബ്സ്ക്രൈബേഴ്‌സ് ആണ് കമ്പനിക്ക് ഇപ്പോൾ ഉള്ളത്.      

ജിയോയുടെ രംഗപ്രവേശം വൊഡാഫോൺ -ഐഡിയ, എയർടെൽ എന്നിവരെ സാമ്പത്തികമായി തളർത്തിയിട്ടുണ്ടെന്ന് ത്രൈമാസ സാമ്പത്തിക ഫല കണക്കുകൾ വ്യക്തമാക്കുന്നു.

ബിഎസ്എൻഎലിന്റെ നഷ്ടം കുമിഞ്ഞു കൂടിയതോടെ കമ്പനി അടച്ചുപൂട്ടുന്ന ഓപ്ഷൻ പരിഗണിക്കണമെന്ന് സർക്കാർ അറിയിച്ചിരുന്നു. 

കൂടുതൽ വായിക്കാം: പുനരുദ്ധരിക്കുക അല്ലെങ്കിൽ അടച്ചുപൂട്ടുക: ബിഎസ്എൻഎല്ലിനോട് കേന്ദ്രം     

കൂടുതൽ വായിക്കാം: ഇന്ത്യൻ ടെലികോം മേഖലയിൽ അടുത്ത വാണിംഗ് ബെൽ

ധനം ഓൺലൈനിന്റെ സൗജന്യ വാട്സ്ആപ് ന്യൂസ് സേവനം സബ്‌സ്‌ക്രൈബ് ചെയ്യാൻ Click Here.

LEAVE A REPLY

Please enter your comment!
Please enter your name here