ഫിനാൻസ് കമ്പനിയിൽ നിന്ന് വാണിജ്യ ബാങ്കായി, എ യു സ്‌മോൾ ഫിനാൻസ് ഓഹരികൾ വാങ്ങാം

1996 ൽ സഞ്ജയ് അഗർവാൾ എന്ന ചാർട്ടേർഡ് അക്കൗണ്ടന്റ് ആരംഭിച്ച എ യു ഫിനാന്സിയേഴ്സ് നിലവിൽ ഷെഡ്യൂൾഡ് വാണിജ്യ ബാങ്കാണ്.

2021-22 നാലാം പാദത്തിൽ നികുതിക്ക് മുൻപുള്ള ലാഭം 196.43 % വർധിച്ച് 77.74 കോടി രൂപയായി. പലിശയിൽ നിന്നുള്ള വരുമാനം 936.56 കോടി രൂപ. വാർഷിക അടിസ്ഥാനത്തിൽ ബി എസ് ഇ ഓഹരി സൂചികയേക്കാൾ 9.1 % അധിക ആദായം നിക്ഷേപകർക്ക് നേടി കൊടുത്തു.

മൊത്തം കൈകാര്യം ചെയ്യുന്ന ആസ്തിയുടെ മൂല്യം 14 % വർധിച്ച് 478 ശതകോടി രൂപയായി.

ആസ്തിയിൽ നിന്നുള്ള ആദായം 2.2 ശതമാനവും, ഓഹരിയിൽ നിന്നുള്ള ആദായം 18.9 ശതമാനവും സേവിങ്സ്, കറന്റ് അക്കൗണ്ട് നിക്ഷേപങ്ങൾ 30 -35 ശതമാനവും, കൈകാര്യം ചെയ്യുന്ന ആസ്തിയുടെ വളർച്ച 25-30 ശതമാനം അടുത്ത രണ്ടു വർഷത്തിൽ വർധിക്കുമെന്ന് കരുതപ്പെടുന്നു.

സമൂഹത്തിലെ ഇടത്തരം താഴെത്തട്ടിലുള്ളവർക്കും ബാങ്കിംഗ് സേവനം നല്കാൻ എ യു ഫിനാൻസ് ലക്ഷ്യമിടുന്നു.