കേരളമടക്കം അഞ്ച് സംസ്ഥാനങ്ങള്‍ ചേര്‍ന്ന് നാളെ ₹12,000 കോടി കടമെടുക്കുന്നു; ഏറ്റവും കൂടുതൽ തമിഴ്നാട്
സര്‍ക്കാര്‍ ജീവനക്കാരുടെ ഡി.എ കുടിശികയുടെ ഗഡു വീട്ടാനും കേരളം തുക വിനിയോഗിച്ചേക്കും
Image : Canva
കേരളം ഉള്‍പ്പെടെയുള്ള അഞ്ച് സംസ്ഥാനങ്ങള്‍ ചേര്‍ന്ന് നാളെ ഒറ്റദിവസം 12,000 കോടി രൂപ കടമെടുക്കും. കേരളം കൂടാതെ ആന്ധ്രാപ്രദേശ്, പഞ്ചാബ്, തമിഴ്നാട്, തെലങ്കാന എന്നിവയാണ് നാളെ കടമെടുക്കുന്നത്.
സംസ്ഥാനങ്ങളില്‍ ഏറ്റവും കുറഞ്ഞ തുക കടമെടുക്കുന്നത് കേരളമാണ്. 15 വര്‍ഷക്കാലാവധിയുള്ള കടപ്പത്രങ്ങളിറക്കി 1,000 കോടി രൂപയാണ് സംസ്ഥാനം സമാഹരിക്കുന്നത്.നടപ്പ് സാമ്പത്തിക വര്‍ഷത്തെ (2024-25) കേരളത്തിന്റെ ആദ്യ കടമെടുപ്പാണിത്. ഈ വര്‍ഷമാകെ 37,517 കോടി രൂപയാണ് കേരളത്തിന് കടമെടുക്കാവുന്നത്. ഇതില്‍ ഏപ്രില്‍ മുതല്‍ ഡിസംബര്‍ വരെയുള്ള കാലയളവില്‍ എത്ര രൂപ കടമെടുക്കാമെന്നത് കേന്ദ്രം വ്യക്തമാക്കിയിട്ടില്ല. ഈ സാഹചര്യത്തില്‍ 5,000 കോടി രൂപ കടമെടുക്കാന്‍ അനുവദിക്കണമെന്ന് കേരളം ആവശ്യപ്പെട്ടെങ്കിലും 3,000 കോടി രൂപയാണ് കേന്ദ്രം അനുവദിച്ചത്. ഈ തുകയില്‍ നിന്നാണ് ഇപ്പോള്‍ 1,000 കോടി രൂപ കടമെടുക്കുന്നത്.