2023 മാര്‍ച്ച് പാദത്തില്‍ മികച്ച ആദായം നല്‍കിയ 12 ഓഹരികള്‍, 15 -34% കയറ്റം
വര്‍ധമാന്‍ സ്പെഷ്യല്‍ സ്റ്റീല്‍ 34.9% ആദായം നല്‍കി, ധനം ഓണ്‍ലൈനില്‍ വിവിധ ബ്രോക്കിങ് സ്ഥാപനങ്ങള്‍ നല്‍കിയ നിര്‍ദേശങ്ങളില്‍ നിന്ന് തിരഞ്ഞെടുത്തത്
Pic Courtesy : Canva
2023 ആദ്യ പാദത്തില്‍ രണ്ടു പ്രധാന ഓഹരി സൂചികകള്‍-ബിഎസ്ഇ സെന്‍സെക്‌സ്, നിഫ്റ്റി 50 എന്നിവ യഥാക്രമം 1.65% , 2.79% ഇടിഞ്ഞപ്പോള്‍ ചില ഓഹരികള്‍ ഇരട്ട അക്ക വളര്‍ച്ച കൈവരിച്ച് നിക്ഷേപകര്‍ക്ക് മികച്ച ആദായം നല്‍കി. വിവിധ ബ്രോക്കിങ് സ്ഥാപനങ്ങള്‍ നല്‍കിയ നിര്‍ദേശങ്ങള്‍ ധനം ഓണ്‍ലൈനില്‍ കൊടുത്തതില്‍ നിന്ന് മികച്ച ആദായം നല്‍കിയ 12 ഓഹാരികളെ പരിചയപ്പെടുത്തുന്നു:
1. വര്‍ധമാന്‍ സ്പെഷ്യല്‍ സ്റ്റീല്‍ (Vardhman Special Steel): വര്‍ധമാന്‍ ഗ്രൂപ്പിന് കീഴില്‍ വരുന്ന ഓട്ടോമൊബൈല്‍ വ്യവസായത്തിന് ഉരുക്ക് ബാറുകള്‍ നിര്‍മിച്ചു നല്‍കുന്ന പ്രമുഖ കമ്പനി. ഈ ഓഹരിയില്‍ ഡിസംബറില്‍ ആരംഭിച്ച മുന്നേറ്റം തുടരുന്നു. ആദ്യ പാദത്തില്‍ 34.9% ആദായം നിക്ഷേപകര്‍ക്ക് നല്‍കി. എച്ച് ഡി എഫ് സി സെക്യൂരിറ്റീസ് ഈ ഓഹരിക്ക് നിര്‍ദേശിച്ച ലക്ഷ്യ വില 359.5 രൂപ പിന്നിട്ടു. നിലവില്‍ 413 രൂപ.
2.സിയെറ്റ് ലിമിറ്റഡ് (Cyient Ltd): 2022 -23 ഡിസംബര്‍ പാദത്തില്‍ മികച്ച സാമ്പത്തിക ഫലത്തിന്റെ ബലത്തില്‍ ഈ ഐ ടി ഓഹരി വിലയില്‍ മാര്‍ച്ച് പാദത്തില്‍ മുന്നേറ്റം ഉണ്ടായി. 29.62% ഓഹരി വില ഉയര്‍ന്നു. നിലവില്‍ 1050 രൂപ. ലക്ഷ്യ വില 1100 രൂപ -Stock Recommendation by Motilal Oswal Investment Services.
3. ആര്‍ എ സി എല്‍ ഗിയര്‍ ടെക്ക് (RACL Geartech) : മികച്ച മാര്‍ജിന്‍ ലഭിക്കുന്ന ഓട്ടോമൊബൈല്‍ ഗിയറുകള്‍ നിര്‍മിക്കുന്ന കമ്പനിയാണ് ആര്‍ എ സി എല്‍ ഗിയര്‍ ടെക്ക്. അറ്റാദായം മാര്‍ജിനും വര്‍ധിച്ചതിനാല്‍ ഓഹരിയില്‍ മുന്നേറ്റം ഉണ്ടായി-24 .4%. നിലവില്‍ 927 രൂപ എച്ച് ഡി എഫ് സി സെക്യൂരിറ്റീസ് ഈ ഓഹരിക്ക് നിര്‍ദേശിച്ച ലക്ഷ്യ വില 855 കടന്ന് മുന്നോട്ട് കുതിക്കുകയാണ്.
4.ചെന്നൈ പെട്രോളിയം: ഇന്ധനം കൂടാതെ ലൂബ്രിക്കന്റ്റ് എണ്ണകള്‍ നിര്‍മിക്കുന്ന ഇന്ത്യന്‍ ഓയില്‍ കമ്പനിയുടെ ഉടമസ്ഥതയിലുള്ള ചെന്നൈ പെട്രോളിയം ഓഹരി വില 21% വര്‍ധിച്ചു. ലക്ഷ്യ വില-254 രൂപ, നിലവില്‍ 247. Stock Recommendation by HDFC Securities.
5. സീമെന്‍സ് ലിമിറ്റഡ് (Siemens Ltd ): പ്രമുഖ എഞ്ചിനിയറിംഗ് കമ്പനിയായ സീമെന്‍സ് ഡിസംബര്‍ പാദത്തില്‍ മികച്ച സാമ്പത്തിക ഫലം പുറത്തുവിട്ടു. ഓഹരി 18.79% മുന്നേറി 3356 രൂപയായി. പ്രഭുദാസ് ലീലാധര്‍ നിര്‍ദേശിച്ച ഓഹരിയുടെ ലക്ഷ്യ വില 3351 രൂപ കടന്നു.
6. ആര്‍ക്കിയന്‍ കെമിക്കല്‍സ് (Archean Chemicals): വ്യാവസായിക ഉപ്പുകളുടെ കയറ്റുമതിയില്‍ ഒന്നാം സ്ഥാനത്ത് എത്തിയ കമ്പനിയുടെ ഓഹരി ആദ്യ പാദത്തില്‍ 17.9% ഉയര്‍ന്നു. നിലവില്‍ 619 രൂപ, ലക്ഷ്യ വില 750 രൂപ. Stock Recommendation by IIFL Securities.
7. മഹാനഗര്‍ ഗ്യാസ് (Mahanagar Gas Ltd): സി എന്‍ ജി, പി എന്‍ ജി എന്നിവയുടെ വില കുറച്ചതോടെ കമ്പനിയുടെ വിറ്റുവരവ് വര്‍ധിക്കുമെന്ന് കരുതുന്നു. ഓഹരി വില 17.11% ഉയര്‍ച്ച കൈവരിച്ചിട്ടുണ്ട്. ലക്ഷ്യ വില 980 കടന്നു (Stock Recommendation by Sharekhan by BNP Paribas).
8. എന്‍ സി സി (NCC Ltd): പ്രമുഖ നിര്‍മാണ കമ്പനിയായ എന്‍ സി സി യുടെ ഡിസംബര്‍ പാദ ഫലങ്ങള്‍ മികച്ചതായിരുന്നു. ഓഹരി വില 29.76% ഉയര്‍ന്നിട്ടുണ്ട്. ലക്ഷ്യ വില 107 രൂപ കടന്നു. (Stock Recommendation by Geojit Financial Services).
9. അരബിന്ദോ ഫാര്‍മ (Aurobindo Pharma Ltd) : ഇന്ത്യയിലും വിദേശങ്ങളിലും ശക്തമായ സാന്നിധ്യ മുള്ള ഫാര്‍മ കമ്പനി. അമേരിക്കന്‍ വിപണിയില്‍ മെച്ചപ്പെട്ട പ്രകടനം. ഓഹരി വില 22% ആദ്യ പാദത്തില്‍ ഉയര്‍ന്നു. നിലവില്‍ 535 രൂപ, ലക്ഷ്യ വില 554 രൂപ (Stock Recommendation by Geojit Financial Services).
10. കെ എസ് ബി ലിമിറ്റഡ് (KSB Ltd ): വാല്‍വുകളും പമ്പുകളും നിര്‍മിക്കുന്ന പൂനയിലെ പ്രമുഖ കമ്പനി. ഓഹരി വില ആദ്യ പാദത്തില്‍ 15.5% ഉയര്‍ന്നു. നിലവില്‍ 1936 രൂപ. ലക്ഷ്യ വില 2390 രൂപ. Stock Recommendation by ICICI Direct.
11. സൈഡ്‌സ് ലൈഫ് സയന്‍സസ് (Zydus Life Sciences): അമേരിക്കയില്‍ കൂടുതല്‍ പുതിയ മരുന്നുകള്‍ പുറത്തിറക്കി മുന്നേറുകയാണ്. ഓഹരി വില 17.61 % വര്‍ധിച്ചു. നിലവില്‍ 494 രൂപ. ലക്ഷ്യ വില 554. Stock Recommendation by Systematix Institutional).
12. ഐ ടി സി (ITC Ltd): അതിവേഗം വിറ്റഴിയുന്ന ഉപഭോക്ത്ര ഉല്‍പന്നങ്ങള്‍ വില്‍ക്കുന്ന വമ്പന്‍ കമ്പനിയാണ്. സിഗരറ്റ് വിപണനം,ഹോട്ടല്‍ വ്യവസായത്തിലും ശക്തം. ഓഹരി 16.9% ഉയര്‍ന്നു. നിലവില്‍ 387 രൂപ, ലക്ഷ്യം 438 രൂപ. Stock Recommendation by Prabhudas Lilladher.
Equity investing is subject to market risk. Always do your own research before investing.