വീണ്ടും 80,000 തിരിച്ചുപിടിച്ച് സെന്‍സെക്‌സ്, സൂപ്പര്‍ ചാര്‍ജായി ഓല, കിറ്റെക്‌സിന് വന്‍ മുന്നേറ്റം
നിക്ഷേപകരുടെ സമ്പത്ത് 7 ലക്ഷം കോടി വര്‍ധിച്ചു; കെ.എസ്.ഇ ഓഹരിയിലും കുതിപ്പ്
ഹിന്‍ഡന്‍ബര്‍ഗ് ആരോപണവും അമേരിക്കന്‍ മാന്ദ്യസൂചനകളും യുദ്ധഭീതിയുമെല്ലാം താഴേക്കടിച്ച ഇന്ത്യന്‍ ഓഹരി സൂചികകള്‍ വീണ്ടും കരുത്താര്‍ജിക്കുന്നു. ഇന്ന് രണ്ട് ശതമാനത്തോളം ഉയര്‍ന്ന നിഫ്റ്റി 24,500 എന്ന നേട്ടവും സെന്‍സെക്‌സ് 80,500 എന്ന കടമ്പയും വീണ്ടും മറികടന്നു. സെന്‍സെക്‌സ് 1,330.96 പോയിന്റ് (1.68%) ഉയര്‍ന്ന് 80,436.84ലും നിഫ്റ്റി397.40 പോയിന്റ് (1.65%) ഉയര്‍ന്ന് 24,541.15ലുമാണ് വ്യാപാരം അവസാനിപ്പിച്ചത്. ഓഗസ്റ്റ് രണ്ടിനു ശേഷമുള്ള ഏറ്റവും ഉയര്‍ന്ന ക്ലോസിംഗ് ആണിത്.
ഇപ്പോഴത്തെ ഈ ആശ്വാസ റാലി തുടരുമെന്നാണ് നിരീക്ഷകരുടെ പ്രതീക്ഷ. പണപ്പെരുപ്പകണക്കുകള്‍ നിയന്ത്രണ പരിധിക്കുള്ളിലായത് പ്രതീക്ഷിച്ചതിനേക്കാള്‍ വേഗത്തില്‍ അമേരിക്കന്‍ ഫെഡറല്‍ റിസര്‍വ് പലിശ നിരക്കുകള്‍ കുറയ്ക്കുമെന്ന സൂചന നല്‍കുന്നുണ്ട്. ഇത് ആഗോള ഓഹരി വിപണികള്‍ക്കൊപ്പം ഇന്ത്യന്‍ വിപണിയിലും ചലനമുണ്ടാക്കും. ഇതു കൂടാതെ കമ്പനികളുടെ ഒന്നാം പാദപ്രവര്‍ത്തനഫലകണക്കുകള്‍ എല്ലാം പുറത്തുവന്നു കഴിഞ്ഞതും വിപണിയെ സമാഹരണ മോഡിലേക്ക് എത്തിക്കുന്നുണ്ട്.
വിവിധ സൂചികകളുടെ പ്രകടനം
ഓഹരി വിപണിയിലേക്ക് കഴിഞ്ഞയാഴ്ച രംഗപ്രവേശം നടത്തിയ ഓല ഇലക്ട്രിക് മൊബിലിറ്റി ഓഹരികള്‍ ഇന്ന് 20 ശതമാനം അപ്പര്‍സര്‍ക്യൂട്ടടിച്ചു. ഓഹരി വില 133.08 രൂപ വരെ ഉയര്‍ന്നു. സ്വാതന്ത്ര്യ ദിനത്തില്‍ ആദ്യ ഇലക്ട്രിക് ബൈക്ക് അവതരിപ്പിച്ച ഓലയ്ക്ക് പ്രമുഖ ബ്രോക്കറേജായ എച്ച്.എസ്.ബി.സി ബൈ' റേറ്റിംഗ് നല്‍കിയിരുന്നു. 140 രൂപയാണ് ലക്ഷ്യവിലയിട്ടിരിക്കുന്നത്.
നേട്ടം കൊയ്തവര്‍
നഷ്ടം വരിച്ചവര്‍
മുഖ്യ ഓഹരി ഉടമകളായ വേദാന്ത ലിമിറ്റഡ് 3.4 ശതമാനം ഓഹരി വില്‍ക്കാന്‍ തീരുമാനിച്ചത് ഹിന്ദുസ്ഥാന്‍ സിങ്കിന്റെ ഓഹരിയില്‍ ഇന്ന് 9.40 ഇടിവുണ്ടാക്കി. ഇതുകൂടാതെ കമ്പനി 8,000 കോടി രൂപയുടെ സ്‌പെഷല്‍ ഡിവിഡന്‍ഡ് പ്രഖ്യാപിക്കാന്‍ ഉദ്ദേശിക്കുന്നതും വിലയിടിവിന് ഇടയാക്കി. വേദാന്തയുടെ കടബാധ്യത തീര്‍ക്കാനാണ് പഴയ പൊതുമേഖലാ സ്ഥാപനത്തിന്റെ ലാഭം മാതൃകമ്പനിയിലേക്ക് ഡിവിഡന്‍ഡ് വഴി മാറ്റുന്നത്.
പറപറന്ന് കിറ്റെക്‌സ്, പിന്നാലെ കെ.എസ്.ഇയും
മികച്ച പ്രവര്‍ത്തനഫലം പുറത്തുവിട്ട പ്രമുഖ കാലിത്തീറ്റ കമ്പനിയായ കെ.എസ്.ഇ ലിമിറ്റഡ് ഓഹരിയും ഇന്ന് 8.45 ശതമാനം ഉയര്‍ന്നു. പ്രൈമ ഇന്‍ഡസ്ട്രീസ് (7.92 ശതമാനം), സൗത്ത് ഇന്ത്യന്‍ ബാങ്ക് (4.36 ശതമാനം), ഹാരിസണ്‍സ് മലയാളം (4 ശതമാനം), പോപ്പുലര്‍ വെഹിക്കിള്‍സ് ( 3.28 ശതമാനം, കിംഗ്സ് ഇന്‍ഫ്ര വെഞ്ച്വേഴ്‌സ് (3.30 ശതമാനം) എന്നിവയും ഉയര്‍ച്ചയിലാണ്.
കേരള കമ്പനി ഓഹരികളുടെ ഇന്നത്തെ പ്രകടനം