പ്രതീക്ഷയ്‌ക്കൊത്ത പണനയം, സൂചികകള്‍ നേട്ടത്തില്‍; കല്യാണ്‍ ഓഹരികള്‍ കുതിപ്പില്‍
കേരള ആയുര്‍വേദയും മുന്നേറി; നിഫ്റ്റി 19,650ല്‍
വിപണി പ്രതീക്ഷിച്ച പോലെ പലിശ നിരക്കും വിലക്കയറ്റ പ്രതീക്ഷകളും ജി.ഡി.പി വളര്‍ച്ചാ നിഗമനവും മാറ്റം വരുത്താതെയുള്ള റിസര്‍വ് ബാങ്കിന്റെ പണനയം സൂചികകളെ ഉയര്‍ത്തി. സെന്‍സെക്‌സ് 364 പോയിന്റ് ഉയര്‍ന്ന് 65,996ലും നിഫ്റ്റി 108 പോയിന്റ് ഉയര്‍ന്ന് 19,654ലുമാണ് വ്യാപാരം അവസാനിപ്പിച്ചത്. തുടര്‍ച്ചയായ രണ്ടാം ദിവസമാണ് വിപണി നേട്ടത്തില്‍ വ്യാപാരം അവസാനിപ്പിക്കുന്നത്.
വിവിധ ഓഹരി വിഭാഗങ്ങളുടെ ഇന്നത്തെ പ്രകടനം
ബജാജ് ഫിന്‍സെര്‍വ്, ബജാജ് ഫിനാന്‍സ്, ടൈറ്റന്‍, ഇന്‍ഡസ്ഇന്‍ഡ് ബാങ്ക്, ടാറ്റ കണ്‍സ്യൂമര്‍ പ്രോഡക്ട്‌സ്, ഐ.ടി.സി. യു.പി.എല്‍, ജെ.എസ്.ഡബ്ല്യു സ്റ്റീല്‍, എന്‍.ടി.പി.സി, എച്ച്.ഡി.എഫ്.സി ലൈഫ്, ടെക് എം, ടി.സി.എസ്, മാരുതി സുസുക്കി, ഇന്‍ഫോസിസ് എന്നിവയാണ് നിഫ്റ്റിയില്‍ കുതിപ്പ് രേഖപ്പെടുത്തിയ പ്രമുഖ ഓഹരികള്‍. അതേ സമയം എച്ച്.യു.എല്‍, കോള്‍ ഇന്ത്യ, ഒ.എന്‍.ജി.സി, ഏഷ്യന്‍ പെയിന്റ്‌സ്, ഭാരതി എയര്‍ടെല്‍, ബ്രിട്ടാനിയ, നെസ്‌ലെ തുടങ്ങിയവ ഇന്ന് നഷ്ടക്കയത്തില്‍പെട്ടു.
ലേലത്തിലൂടെ ബോണ്ടുകൾ ഓപ്പൺ മാർക്കറ്റിൽ വിൽപ്പന നടത്താനുള്ള റിസർവ് ബാങ്കിന്റെ തീരുമാനത്തിന് പിന്നാലെ 10 വർഷ കാലാവധിയുള്ള ഗവൺമെന്റ് ബോണ്ടുകളുടെ നേട്ടം ഇന്ന് കുതിച്ചുയർന്നു. 14 മാസത്തിനുള്ളിലെ ഏറ്റവും വലിയ ഒറ്റ ദിവസ നേട്ടമാണ് (Yield) ഇന്ന് രേഖപ്പെടുത്തിയത്.10 വർഷത്തെ ബെഞ്ച്മാർക്ക് ബോണ്ട് വരുമാനം മാർച്ച് 23ന് ശേഷമുള്ള ഏറ്റവും ഉയർന്ന നിലവാരമായ 7.3412 ശതമാനത്തിൽ ക്ലോസ് ചെയ്തു. മുൻ സെഷനിൽ 7.2140 ശതമാനത്തിൽ ആയിരുന്നു ക്ലോസിംഗ്.
ബി.എസ്.ഇയുടെ മൂല്യം ഇന്ന് 319.9 ലക്ഷം കോടിയില്‍ നിന്ന് 317.8 ലക്ഷം കോടിയായി. നിക്ഷേപകര്‍ക്ക് ഇന്നത്തെ നേട്ടം 2.1 ലക്ഷം കോടിയായി.
ഇന്ന് ഏറ്റവുമധികം നേട്ടം കുറിച്ചവർ
നഷ്ടത്തിലേക്ക് വീണവര്‍
വോഡഫോണ്‍ ഐഡിയ, സി.ജി പവര്‍ ആന്‍ഡ് ഇന്‍ഡസ്ട്രിയല്‍ സൊലൂഷന്‍സ്, ഗുജറാത്ത് ഫ്‌ളൂറോകെമിക്കല്‍സ്, ഇന്‍ഡസ് ടവേഴ്‌സ്, ഡാല്‍മിയ ഭാരത് എന്നിവ ഇന്ന് നഷ്ടമുണ്ടാക്കിയവരുടെ പട്ടികയില്‍ മുന്നിലെത്തി.
ഇന്ന് ഏറ്റവുമധികം നഷ്ടം നേരിട്ടവർ