കേബിൾ, വയറിംഗ് വ്യവസായത്തിൽ ഊർജസ്വലതയോടെ മുന്നോട്ട്, KEI Industries ഓഹരികൾ വാങ്ങാം

ഇന്നത്തെ ഓഹരി: കെ ഈ ഐ ഇൻഡസ്ട്രീസ് (KEI Industries Ltd)

• 1968 ൽ വീടുകൾക്ക് റബർ വയറിംഗ് കേബിളുകൾ ഉൽപ്പാദിപ്പിച്ചുകൊണ്ട് പ്രവർത്തനം ആരംഭിച്ച കൃഷ്ണ ഇലക്ട്രിക്കൽ ഇൻഡസ്ട്രീസ് നിലവിൽ 45 ൽ പ്പരം രാജ്യങ്ങളിൽ വിവിധ തരം കേബിളുകൾ വ്യവസായങ്ങൾക്കും അടിസ്ഥാന സൗകര്യ പദ്ധതികൾക്കും കേബിളുകൾ നൽകുന്ന വമ്പൻ കമ്പനിയായ കെ ഈ ഐ ഇൻഡസ്ട്രീസ്-ായി (KEI Industries Ltd ) പരിണമിച്ചിരിക്കുന്നു.
• 400 ൽ അധികം കേബിൾ, വയറിംഗ് ഉൽപ്പന്നങ്ങൾ കെ ഇ ഐ നിർമിക്കുന്നുണ്ട്. ലോ ടെൻഷൻ (LT), ഹൈ ടെൻഷൻ (HT), എക്സ്ട്രാ ഹൈ വോൾട്ടജ് (EHV) കേബിളുകളുടെ ഉൽപ്പാദന ശേഷി വർധിപ്പിക്കുകയാണ്. 220 കെ വി ശേഷിയുള്ള EHV കേബിളുകൾ ഇന്ത്യയിൽ നിർമിക്കുന്ന ചുരുക്കം ചില കമ്പനികളിൽ ഒന്നാണ് കെ ഇ ഐ.
• 2021-22 നാലാം പാദത്തിൽ അറ്റ് വിറ്റ് വരവിൽ (net sales) 43.7 % വാർഷിക വളർച്ച കൈവരിച്ച് 1792 കോടി രൂപയായി. (ത്രൈ മാസ അടിസ്ഥാനത്തിൽ ഏറ്റവും ഉയർന്ന വരുമാനം) നികുതിക്കും പലിശക്കും മുൻപുള്ള വരുമാനം 25 % വർധിച്ച് 172 കോടി രൂപ യായി. മാർജിൻ മുൻ വർഷം 11 ശതമാനമായിരുന്നത് 9.6 ശതമാനമായി കുറഞ്ഞു.കേബിൾ, വയർ ബിസിനസിൽ നിന്നാണ് വരുമാനത്തിൻ റ്റെ 82 % ലഭിക്കുന്നത് ബാക്കി ടേൺ കീ (turn key) പദ്ധതികളിൽ നിന്നും.
• വീടുകളിൽ ഉപയോഗിക്കുന്ന വയറുകൾ കേബിളുകൾ എന്നിവ വിവിധ സംസ്ഥാനങ്ങളിൽ വിതരണത്തിനായി ഡിസ്‌ട്രി ബ്യുട്ടർ ശൃംഖല സ്ഥാപിച്ചിട്ടുണ്ട്. കിഴക്ക്, തെക്ക് സംസഥാനങ്ങളിൽ വിതരണം ശക്തിപ്പെടുത്തും.
• ഓസ്‌ട്രേലിയ, ഗാംബിയ, ദുബായ്, നൈജീരിയ, ദക്ഷിണ ആഫ്രിക്ക തുടങ്ങിയ രാജ്യങ്ങളിൽ മാർക്കറ്റിംഗ് ഓഫിസുകൾ സ്ഥാപിക്കുക വഴി കയറ്റുമതി വർധിപ്പിക്കാൻ സാധിക്കുന്നു. എണ്ണ, പ്രകൃതി വാതകം, അടിസ്ഥാന സൗകര്യ മേഖല, വൈദ്യുതി, റിന്യുവബിൾ ഊർജം എന്നി വിഭാഗങ്ങൾക്കാണ് ഉൽപ്പന്നങ്ങൾ നൽകുന്നത്.
• 2016-20 കാലയളവിൽ 450 കോടി രൂപയുടെ മൂലധന നിക്ഷേപം നടത്തി. നിലവിൽ 800 കോടി രൂപയുടെ വികസന പദ്ധതികൾ നടപ്പാക്കുന്നത്ത് 2023-24 ൽ പ്രവർത്തനക്ഷമമാകും.
• കേന്ദ്ര സർക്കാറീൻറ്റെ വിവിധ അടിസ്ഥാന പദ്ധതികളെ നിക്ഷേപം, കൂടുതൽ ഭവന പദ്ധതികൾ നടപ്പാക്കുന്നതിലൂടെയും കേബിൾ, വയർ ഡിമാൻറ്റ് വർധിക്കും. ഇഇതിലേക്ക് ഉൽപ്പന്നങ്ങൾ നൽകുക വഴി കെ ഇ ഐ യുടെ വരുമാനം ഉയരാൻ സഹായിക്കും.
• ആഭ്യന്തര-വിദേശ വിപണിയിൽ ശക്തമായ സാന്നിധ്യം, വർധിക്കുന്ന കേബിൾ, വയർ ഡിമാൻറ്റ്, വിപുലീകരണ പ്രവർത്തനങ്ങൾ എന്നി കാരണങ്ങൾ കൊണ്ട് കെ ഇ ഐ യുടെ പ്രവർത്തനം മെച്ചപ്പെടും.

നിക്ഷേപകർക്കുള്ള നിർദേശം -വാങ്ങുക (Buy)

ലക്ഷ്യ വില : 1340 രൂപ

നിലവിൽ 1165.

(Stock Recommendation by HDFC Securities Retail.