വിദേശ വിപണികളിലും ശക്തം, ഈ ഫാര്‍മ ഓഹരി മുന്നേറ്റം തുടരുമോ?

1. അമേരിക്കന്‍ വിപണിയില്‍ മരുന്നുകളുടെ വില ഇടിവ് ഉണ്ടായിട്ടും വില്‍പ്പന വര്‍ധിച്ചു. അത് കാരണം 2022-23 ല്‍ വരുമാനം 20% വര്‍ധിച്ച് 4512 കോടി രൂപയായി. നികുതിക്കും പലിശക്കും മറ്റും മുന്‍പുള്ള 

ലാഭം (EBITDA) 914 കോടി രൂപയായി. അറ്റാദായം 25% വര്‍ധിച്ച് 517 കോടി രൂപയായി.

2. കമ്പനിയുടെ മൂന്ന് ബിസിനസ് വിഭാഗങ്ങളിലും വളര്‍ച്ച ഉണ്ടായി -Active Pharmaceutical Ingredients, API (38%), finished dosage (17%), pharmaceutical formulation intermediates (7%).

3. അമേരിക്കന്‍ വിപണിയില്‍ വിറ്റുവരവ് 30% വര്‍ധിച്ച് 2,378 കോടി രൂപയായി, യൂറോപ്പില്‍ 29% വര്‍ധിച്ച് 1,021 കോടി രൂപയായി.

4. അമേരിക്കയില്‍ വിര്‍ജീനിയയില്‍ 79,000 ചതുരശ്ര അടി വിസ്തൃതി ഉള്ള പാക്കേജിങ് കേന്ദ്രം സ്ഥാപിച്ചു. ഇവിടെ നിന്ന് മരുന്നുകള്‍ പാക്ക് ചെയ്ത് അമേരിക്കന്‍ വിപണിയില്‍ വിതരണം ചെയ്യാന്‍ സാധിക്കും.

5. പുതിയ മരുന്നുകള്‍ അമേരിക്കന്‍ വിപണിയില്‍ വില്‍ക്കാനുള്ള അനുമതി ലഭിച്ചു. അപസ്മാരം, രക്ത സമ്മര്‍ദ്ധം തുടങ്ങിയ അസുഖങ്ങളുടെ ചികിത്സക്കുള്ള  മരുന്നുകളാണിത്.

6. പനിക്കും വേദനക്കും നല്‍കുന്ന പാരസെറ്റമോള്‍, പ്രേമേഹത്തിനുള്ള മെറ്റ് ഫോര്‍മിന്‍ തുടങ്ങിയ മരുന്നുകളുടെ വില്‍പന വര്‍ധിച്ചു. ഈ മരുന്നുകള്‍ ഹരിത മാര്‍ഗങ്ങള്‍ ഉപയോഗപ്പെടുത്തി കാര്‍ബണ്‍ ഫ്രീ ഉത്പാദനം നടത്താനായി ഒരു ഉപകമ്പനി അമേരിക്കയില്‍ സ്ഥാപിക്കുകയാണ്. ഇതിനായി അടുത്ത 5 വര്‍ഷത്തില്‍ 2,000 കോടി രൂപയുടെ മൂലധന ചെലവ് പ്രതീക്ഷിക്കുന്നു. ഫോര്‍മുലേഷന്‍ മരുന്നുകള്‍ ഉത്പാദിപ്പിക്കുന്ന പുതിയ കേന്ദ്രത്തിന്റെ ആദ്യ ഘട്ടം 2023 ഒക്ടോബറില്‍ പൂര്‍ത്തിയാക്കും. രണ്ടാം ഘട്ടം മെയ് 2024ലും പൂര്‍ത്തിയാക്കും.

കമ്പനിയുടെ ദീര്‍ഘകാല വളര്‍ച്ചയ്ക്കും ലാഭക്ഷമതക്കും വേണ്ട നടപടികള്‍ കമ്പനി എടുത്തിട്ടുണ്ട്. പുതിയ ഉത്പന്നങ്ങള്‍ പുറത്തിറക്കിയും പുതിയ നൂതന ഉത്പാദന കേന്ദ്രങ്ങള്‍ സ്ഥാപിച്ചതും കമ്പനി വളര്‍ച്ചയുടെ പാതയിലാണ്.