എച്ച്-1ബി വീസക്കാരുടെ ജീവിതപങ്കാളികള്‍ക്ക് യുഎസില്‍ ജോലി ചെയ്യുന്നത് തുടരാം
കോടതി വിധിക്കെതിരെ അപ്പീല്‍ നല്‍കാന്‍ പദ്ധതിയിടുന്നതായി സേവ് ജോബ്സ് യുഎസ്എ
image:@ file
എച്ച്-1 ബി വീസയുള്ള വിദേശപൗരരുടെ ജീവിതപങ്കാളികള്‍ക്ക് യുഎസില്‍ ജോലി ചെയ്യുന്നത് തുടരാമെന്ന് കോടതി. ഇതുമായി ബന്ധപ്പെട്ട് 'സേവ് ജോബ്സ് യുഎസ്എ' നല്‍കിയ കേസ് ഡിസ്ട്രിക്റ്റ് കോടതി ജഡ്ജി താന്യ ചുട്കാന്‍ തള്ളി.
എച്ച്-1ബി വീസയുള്ളവരുടെ ജീവിതപങ്കാളിക്ക് തൊഴില്‍ അംഗീകാരം നല്‍കുന്ന നിയമം അസാധുവാക്കണമെന്നായിരുന്നു സേവ് ജോബ്സ് യുഎസ്എയുടെ ആവശ്യം. ഇത് ബറാക് ഒബാമയുടെ കാലത്തെ നിയമമാണ്.
ആശ്വാസമെങ്കിലും അപ്പീലിന് സാധ്യത
ടെക് മേഖലയിലെ ജോലികളില്‍ കൂട്ടപിരിച്ചുവിടല്‍ ഉണ്ടായതിനാല്‍ ഈ കോടതി വിധിയോടെ വിദേശ തൊഴിലാളികള്‍ക്ക് അവിടെ തുടര്‍ന്നും നില്‍ക്കാമെന്നത് പ്രതീക്ഷ നല്‍കുന്ന ഒന്നാണ്. അതേസമയം കോടതി വിധിക്കെതിരെ അപ്പീല്‍ നല്‍കാന്‍ പദ്ധതിയിടുന്നതായി സേവ് ജോബ്സ് യുഎസ്എ അറിയിച്ചു.
ഇന്ത്യക്കാരും, ചൈനക്കാരും
ഇന്ത്യക്കാരുള്‍പ്പെടെ സാങ്കേതികമേഖലയില്‍ ജോലിചെയ്യുന്ന വലിയവിഭാഗം വിദേശപൗരര്‍ക്ക് കോടതിവിധി ആശ്വാസമാകും. സാങ്കേതിക മേഖലകളില്‍ വൈദഗ്ധ്യം പുലര്‍ത്തുന്ന വിദേശപൗരന്മാര്‍ക്ക് യുഎസ് നല്‍കുന്ന നോണ്‍ ഇമിഗ്രന്റ് വിസയാണ് എച്ച്-1ബി വീസ. കൂടുതലും ഇന്ത്യ, ചൈന എന്നീ രാജ്യങ്ങളില്‍ നിന്നും നിരവധി പേരാണ് യുഎസില്‍ ഈ വീസയില്‍ എത്തുന്നത്.